तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।
ताहली जे शमौन, मरियम कने यूसुफा ने गल्ल-बात करी रां था, तिस बगत हन्नाह बी ऊथी पुज्जी कने परमेशरा री स्तुति करने लगी। फेरी तिसे जाईने तिन्हां सारयां जो यीशुये रे बारे च दस्या, सै जे तिस राजे री निहाल़पा च थे, कने सै आईने यरूशलेम नगरा जो छडवाणे औल़ा था।
तां अरमतिया रा रैहणे औल़ा यूसुफ आया, सै जे महासभा रे ईज्ज़तदार औहदे पर था कने अप्पूँ बी परमेशरा जो तिसरे राज्जा च इक राजे साई देखणे रे इन्तजारा च था। सै हिम्मत करीने पिलातुसा ले गया कने दफनाणे खातर यीशुये री लाश मंगी।