लूका 23:32 - बिलासपुरी नौआं नियम

³² यीशुये सौगी दो होर माहणुआं जो सै जे अपराधी थे लेई जाया राँ थे, काँह्भई तिन्हाजो बी मौता री सजा दित्ति जाणी थी।

लूका 23:32 Referans Kwoze

मरकुस 15:27

तिन्हें तिस सौगी दो डाकू, इक तिसरे सज्जे पासे कने दुज्जी तिसरे खब्बे पासे क्रूसा पर चढ़ाये।

मत्ती 27:38

तिस इ बगत तिस सौगी दो चोर बी क्रूसा पर टंगाये इक तिसरे सज्जे कने इक तिसरे खब्बे हत्था खा।

यूहन्ना 19:18

तित्थी तिन्हें यीशुये जो दो होरी कैदियां ने सौगी क्रूस पर चढ़ाया। इक तिसरे सज्जे कने इक तिसरे खब्बे हत्था, यीशु तिन्हांरे बिच्चा औल़े क्रूसा पर चढ़ाया।

लूका 22:37

काँह्भई हऊँ तुहांजो दस्सां भई पवित्रशास्त्रा च सै जे लिखिरा : तिस्सो अपराधियां ने सौगी गिणया गया, ये मेरे बारे च कित्ती री भविष्यवाणी थी, हुण तिसारा मांह् च पूरा हूणा जरूरी आ; काँह्भई मेरे बारे च सै जे किछ लिखिरा, सै सब किछ पूरा हूणा।”

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

लूका 23:31

काँह्भई जे धर्मी माहणुये ने येढ़ा हुआं, तां कल्पना करा भई सजा पाणे रे लायक माहणुये सौगी क्या हूणा।”

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।