लूका 23:25 - बिलासपुरी नौआं नियम

²⁵ पिलातुसे तिस माहणुये जो छडित्या सै जे मार कुट करने कने खून्ना रे जुरमा च जेल्ला च बन्द कीतिरा था, कने यीशुये जो तिन्हारे हवाले करित्या भई सै तेढ़ा जे चांयें, करा।

लूका 23:25 Referans Kwoze

प्रेरितां 3:14

तुहें यीशुये रा इन्कार कित्या सै जे पवित्र कने धर्मी था कने इक हत्यारे जो तुहां खातर छडणे जो विनती कित्ती,

मरकुस 15:15

तां पिलातुसे भीड़ा जो खुश करने खातर, बरअब्बा जो तिन्हां खातर छड्डीत्या, कने सपाईयें यीशुये जो कोड़े लगाये; तिसते बाद पिलातुस राजपाले तिन्हांजो बोल्या इसजो ले जाईने क्रूसा पर चढ़ाई दो।

यूहन्ना 18:40

तां सै फेरी भीं जोरा-जोरा ने रौल़ा पाणे लगे, इस्सो नीं पर बरअब्बा जो छड्डी दे। बरअब्बा खुंखार मुजरिम था।

लूका 23:5

पर सै इकदम बोलणे लगे, भई “इने सारे यहूदिया प्रदेशा च लोकां जो अपणे उपदेशां ने भड़काया। ये इने गलील प्रदेशा च शुरु कित्या था कने हुण येत्थी आईग्या।”

लूका 23:2

सै यीशुये पर इल्जाम लगाणे लगे, “ये माहणु अहांरे लोकां जो बहकाणे लगीरा, ये तिन्हारे राजे कैसरा जो कर देणे ते मना कराँ! कने ये येढ़ा दावा कराँ भई हऊँ मसीह आ, कने अप्पूँजो इक राजा बोलदे हुये सुणया।”

मत्ती 27:26

ताहली जे पिलातुसे तिन्हारे खातर बरअब्बा जो छड्डीत्या कने यीशुये जो कोड़े लाईने क्रूसा पर चढ़ाणे खातर सौंपीत्या।

लूका 23:24

पिलातुसे लोकां री मांगा रे मुतावक फैसला देईत्या भई इन्हांरी मंग मन्नी ली जाओ।

लूका 23:26

ताहली जे यीशुये जो ले जाईराँ थे, ताहली इक माहणु तिसरा नौं जे शमौन था, सै कुरेनी रा रैहणे औल़ा था, तिस बगत गाँवां ते आईराँ था। सपाहियें सै पकड़या कने तिस पर क्रूस लद्दीत्या, कने यीशुये रे पिच्छे चलने पर मजबूर करित्या।

यूहन्ना 19:16

फेरी पिलातुसे यीशुये जो क्रूसा पर चढ़ाणे खातर सपाईयां रे हवाले करित्या, कने सै तिस्सो बाहरौ लईगे;