लूका 22:5 - बिलासपुरी नौआं नियम

⁵ यहूदा री इस सहायता रे करने ते सै बड़े खुश हुये, कने तिन्हें तिस्सो ईनामा च पैसे देणे रा बी बादा कित्या।

लूका 22:5 Referans Kwoze

यहूदा 1:11

तिन्हां लोकां रे खातर ये कितना भयानक हूणा! काँह्भई तिन्हें कैना साई बुरा बर्ताव कित्या, कने सै बिलामा साई ये तिने जे पैसा पाणे खातर परमेशरा रे लोकां जो पाप करने खातर भड़काणे री कोशिश कित्ती थी। सै कोरह साई परमेशरा रे बिरोधा च बिद्रोह कराँ ये इस खातर तिन्हांरा नाश हूणा तैह आ।

2 पतरस 2:15

तिन्हें सै जे सही आ तिस्सो करना बन्द करी तरा कने सैई बुरा काम्म करना शुरु करी तरा सै जे बओर रे पुत्र बिलामे बौहत पैहले कित्या था, सै जे गल़त काम्म करीने पैसा कमाणा पसन्द कराँ था।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।

प्रेरितां 8:20

पतरसे तिसजो गलाया, “तू कने तेरे पैसे नाश हुईजो, काँह्भई तैं परमेशरा रा दान पैसयां च खरीदणे रा बचार कित्या।

प्रेरितां 1:18

(तिने अर्धमा रिया कमाईया ते इक खेत मुल लेआ, कने सिरा रे भार पैया कने तिसरा पेट फटी गया कने तिसरियां सब आँतड़ियां बाहर निकल़ी गियां।

लूका 22:4

सै मुखियायाजक कने मन्दरा री रखवाल़ी करने औल़े मुखियां ले गया ताकि यीशुये जो पकड़ाणे रे सब्बीं ते बेहतर तरिके री गल्ल बात करी सक्को।

लूका 22:6

सै तिन्हारे इस बादे ते सहमत हुईग्या, कने तदुआं तेई सै यीशुये जो पकड़ाणे रे येढ़े मौकयां री तलास करने लगया भई जिस बगत जे यीशुये रे नेड़े मते लोक नीं हो, तिस बेले हऊँ यीशुये जो चुपचाप पकड़वाई सक्को।