लूका 22:42 - बिलासपुरी नौआं नियम

⁴² “पिता, जे तुहें चाओ तां, मिन्जो इन्हां कष्टां ते छुड़ाई सक्कां ये। पर हऊँ चाँह भई मेरी नीं तेरी ही इच्छा पूरी ओ।”

लूका 22:42 Referans Kwoze

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

मत्ती 26:42

फेरी इक बार भीं तिने जाईने प्राथना कित्ती कने गलाया, “हे मेरे पिता, जे इस तरिके ने मेरे खातर दुख सैहणा जरूरी आ, तां तेरी इच्छा पूरी ओ।”

मरकुस 14:36

कने गलाया, “हे अब्बा, हे पिता, तेरते सब किछ हुई सक्कां। इस दुखा ते मिन्जो बचाई लै तिस्सो जे हऊँ भोगणे औल़ा : तां बी तेढ़ा जे हऊँ चाँह तेढ़ा नीं, पर सै जे तू चाँह सैई हो।”

यूहन्ना 18:11

तां यीशुये पतरसा जो गलाया, “अपणिया तलवारा जो मयाना च रख: क्या हऊँ पीड़ा जो नीं सऊँ सै जे पिता परमेशरे मिन्जो दित्तिरी?”

मत्ती 20:22

यीशुये जबाब दित्या, “तुहें नीं जाणदे भई तुहें क्या मंगी रायें? क्या तुहें मेरे साई दुख सैई सक्कां ये, तिस्सो जे हऊँ सैहणे औल़ा?” तिन्हें तिसने गलाया, “हाँ, सही सक्कां ये।”

यूहन्ना 5:30

“हऊँ खुद अप्पूँ ते किछ मनी करी सकदा; पर हऊँ सै जे किछ परमेशरा ते सुणां, सिर्फ तिसरे इ मुतावक न्याय कराँ; कने मेरा न्याय सच्चा, काँह्भई हऊँ अपणिया इच्छा ते नीं बल्कि तिसरी इच्छा चाँह तिने जे हऊँ भेज्जिरा।

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

मत्ती 26:44

तिन्हांजो छड्डिने सै फेरी भीं चलीया, कने तिज्जी बार भीं पैहले साई तिन्हांई शब्दां च प्राथना किति।

मत्ती 6:10

तू संसारा रे सारे माहणुआं कने सारियां चिज़ां पर राज करो। तेरी इच्छा तियां जे स्वर्गा च पूरी हुआं इ, तियां इ धरतिया पर बी पूरी ओ

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

मत्ती 11:26

हाँ, हे पिता, ये इस खातर हुया काँह्भई तिज्जो येई ठीक लगया।

लूका 23:34

यीशुये गलाया, “पिता जी, इन्हांजो माफ कर, काँह्भई ये नीं जाणदे भई ये क्या करी रायें।” फेरी सपाईयें पर्चियां पाईने अप्पूँ चियें तिसरे कपड़यां रा बन्डवारा कित्या।

प्रेरितां 21:14

तां जे सै नीं मन्या तां अहें येढ़ा बोलीने चुप हुईगे, “प्रभुये री इच्छा पूरी हुईजो।”