लूका 22:26 - बिलासपुरी नौआं नियम

²⁶ पर तुहें तेढ़े नीं हुयों बल्कि तुहां बिच सै जे सब्बीं ते महान आ, सै छोट्टे साई कने सै जे प्रधान आ, सै सेवका साई बणो।

लूका 22:26 Referans Kwoze

1 पतरस 5:5

इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”

1 पतरस 5:3

देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा।

लूका 9:48

फेरी तिन्हांने बोल्या, “सै जे कोई मेरे नौआं ते इस बच्चे जो ग्रहण कराँ, सै मिन्जो ग्रहण कराँ; कने सै जे कोई मिन्जो ग्रहण कराँ, सै मेरे भेजणे औल़े जो ग्रहण कराँ, काँह्भई ये सै आ सै जे तुहां च सबनी ते छोट्टा, सैई महान आ।”

मरकुस 9:35

यीशु बैट्ठीग्या कने बारा चेलयां जो अप्पूँ ले कट्ठा हुणे रे खातर सद्दया कने तिन्हाजो गलाया, “जे कोई महान बणना चाँह, तां सै सब्बींते छोट्टा कने सब्बीं रा सेवक बणो।”

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

मत्ती 20:26

पर तुहां च येढ़ा नीं हूणा; बल्कि तुहां च सै जे महान बणना चाँह सै तुहांरा सेवक बणो;

मरकुस 10:43

पर तुहां सौगी येढ़ा नीं हूणा, काँह्भई जो कोई तुहां च महान बणना चाँह सै तुहांरा सेवक बणो;