लूका 22:18 - बिलासपुरी नौआं नियम

¹⁸ तदुआं तक जे परमेशरा रा राज नीं आई लैन्दा, तदुआं तक मांज अज्जा ते अंगूरां रा रस कदीं नीं पीणा।”

लूका 22:18 Referans Kwoze

मत्ती 26:29

हऊँ तुहांजो बोलां भई अंगूरां रा ये रस तिस दिन तक कदीं नीं चखणा, तदुआं तक जे अपणे पिता रे राज्जा च तुहां सौगी नौआं दाखरस नीं पी लुँ।”

लूका 22:16

काँह्भई हऊँ तुहांजो सच्च बोलां, भई तदुआं तक जे परमेशरा रे राज्जा च फसह रे त्योहारा रा मकसद पूरा नीं हुईजो, तदुआं तक मांज इसजो नीं खाणा।”

मरकुस 14:25

हऊँ तुहांजो सच बोलां, भई अँगूरी रस तिस दिना तकौ इयां फेरी कदीं नीं पीणा; तदुआं तकौ जे इक राजे साई राज करना नीं शुरु करी देंगा।”

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

लूका 21:31

तियां इ ताहली जे तुहें इन्हां गल्लां जो हुन्दे देखो, तां जाणी लेओं भई परमेशरा रा राज औणे औल़ा।

लूका 9:27

कने हऊँ तुहांजो विश्वास दिलां भई येत्थी खढ़ी रयां चते किछ माहणु येढ़े भई तालुआं तक जे सै परमेशरा जो राज करदा हुआ देक्खी नीं लेन्दे तदुआं तक तिन्हाजो मौत नीं औणी।”

मरकुस 15:23

फेरी सिपाही यीशुये जो मुर्र नौआं री दवाई अंगूरी रसा च मिलाईने पीणे जो देणे लगे, तिसते जे सै दर्द महसूस नीं करो, पर तिने तिसजो पीणे ते इन्कार करित्या।

मरकुस 14:23

फेरी यीशुये अँगूरा रे रसा रा कटोरा लईने परमेशरा रा धन्यवाद कित्या, कने कटोरा तिन्हांजो दित्या; कने तिन्हें सब्बीं तिस चते पित्या।

मरकुस 9:1

फेरी यीशुये अपणयां चेलेयां जो गलाया, “हऊँ तुहांजो सच बोलां भई तुहां चते किछ लोक सै जे येत्थी खढ़िरे, तदुआं तक नीं मरना, तदुआं तक जे परमेशरा जो सामर्था सौगी राज करदे हुए नीं देक्खी लो।”

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।