लूका 22:16 - बिलासपुरी नौआं नियम

¹⁶ काँह्भई हऊँ तुहांजो सच्च बोलां, भई तदुआं तक जे परमेशरा रे राज्जा च फसह रे त्योहारा रा मकसद पूरा नीं हुईजो, तदुआं तक मांज इसजो नीं खाणा।”

लूका 22:16 Referans Kwoze

प्रकाशितवाक्य 19:9

फेरी स्वर्गदूते मेरने गलाया, “ये लिख, भई आशीषित सै ये, तिन्हौं जे मेमने रे ब्याह रिया धाम्मा च सद्दया गया।” फेरी तिने मेरने गलाया, “ये वचन परमेशरा रे सच्चे वचन ये।”

लूका 14:15

येढ़ा सुणीने धाम्मा च यीशुये सौगी बैठिरे इक माहणुये गलाया, “आशीषित आ सै माहणु सै जे परमेशरा रे राज्जा रिया धाम्मा च रोटी खांगा।”

लूका 22:30

तुहें तिस राज्जा च मेरे मेचा पर खाई पी सक्को, कने तुहां राजयां रे आसणा पर बैट्ठीने इस्राएल रे बारा गोत्राँ रा फैसला करगे।

प्रेरितां 10:41

सब्बीं लोकां पर नीं पर तिन्हां गवाहां पर तिन्हांजो जे परमेशरे पैहले ते चुणीलरा था, मतलब अहां पर तिने जे तिसने मूईरेयां चते जी उठणे ते बाद खादया-पित्या;

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

लूका 22:15

यीशुये तिन्हाने गलाया, “हऊँ बड़िया बेसवरिया ने इसा घड़िया रे इन्तजारा च था भई मेरा दुख भोगणे रा बगत औणे कने मरने ते पहले तुहांजो सौगी बैठीने फसह रा खाणा खाऊं।

लूका 22:18

तदुआं तक जे परमेशरा रा राज नीं आई लैन्दा, तदुआं तक मांज अज्जा ते अंगूरां रा रस कदीं नीं पीणा।”