लूका 22:12 - बिलासपुरी नौआं नियम

¹² तिस तुहांजो ऊपरलिया तरफा जो लेई जाणा तित्थी जे इक बड्डा कमरा पहले तेई सजीरा सजाईरा हूणा। तुहांरे खातर सैई जगह हूणी, कने तित्थी तुहें फसह रा खाणा बणायों।”

लूका 22:12 Referans Kwoze

प्रेरितां 1:13

तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

यूहन्ना 2:25

तिस्सो इसा गल्ला री कोई जरूरत नीं थी भई कोई आईने तिसजो लोकां रे बारे च दस्सो, काँह्भई लोकां रे मना च क्या, इसजो सै जाणाँ था।

प्रेरितां 20:8

तिस बराण्डे जे अहें कट्ठे हुईरे थे तिसच मते दिऊये बल़या राँ थे।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

लूका 22:11

तिस घरा रे मालका ते पुछयों, गुरुये तेरते पुछीरा, भई सै मेहमान्नां रा कमरा किति आ तिसच जे हऊँ अपणे चेलयां ने फसह रा खाणा खाई सक्कूं?

लूका 22:13

फेरी सै चेले तिस नगरा जो गये कने तेढ़ा जे यीशुये तिन्हाने बोलीरा था, सब किछ तियां इ पाया कने तित्थी तिन्हे फसह रा खाणा बणाया।