लूका 21:34 - बिलासपुरी नौआं नियम

³⁴ “इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 21:34 Referans Kwoze

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

लूका 12:40

इस खातर तुहें बी त्यार रौआ काँह्भई माहणुये रे पुत्रा येढ़िया घड़िया औणा तिसरे बारे च तुहें सोच्ची बी नीं सकदे।”

1 कुरिन्थियों 6:10

नां चोर, नां लालची, नां पियक्कड़, नां गाल़ी देणे औल़े, नां अन्धेर करने औल़े परमेशरा रे राज्जा रे वारस हुणे।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

1 कुरिन्थियों 5:11

पर मेरे बोलणे रा मतलब ये था भई जे साथी विश्वासी कहलाणे औल़ा कोई, व्यभिचारी, लोभी, मूर्तीपूजक, निंध्या करने औल़ा, पियक्कड़, या धोखेबाज हो, तां येढ़े माहणुये सौगी रोटी तक बी नीं खायां।

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

लूका 21:8

तिने गलाया, “चौकन्ने रौआ, भई झूट्ठा पर विश्वास नीं करो, काँह्भई मतयां लोकां मेरा हुणे रा दावा करना कने बोलणा भई हऊँ मसीह आ कने सौगी जो येढ़ा बी बोल़णा, संसारा रा अन्त नजदीक आ। पर तुहें तिन्हांरे पिच्छे देक्खां चली जान्दे।

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

लूका 17:3

हऊँ तुहांजो खबरदार कराँ; जे माह पर विश्वास करने औल़ा पाप करो, तां तिस्सो समझा; कने जे सै अपणे पापां ते मन फिराओ तां तिस्सो माफ करा।

लूका 10:41

पर प्रभु यीशुये तिसाजो जबाब दित्या, “मार्था! मार्था! तू बौहत सारियां गल्लां खातर फिक्र कराँ इ! कने घबराईं।

लूका 8:14

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, सै जे बचनां जो सुणी ने ग्रहण त कराँ ये, पर जियां जे अग्गे बचनां च बधणे लगां ये तियां इ सै जिन्दगिया रे फिक्राँ च, धन-दौलत कने सुख सुबिदा रिया लालसा च फस्सी जायें तिसते जे तिन्हां रिया आत्मा रा बिकास नीं हुन्दा येढ़यां लोकां री फसल कदीं नीं पकदी।

मरकुस 13:9

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

इब्रानियों 12:15

कने ध्यान रखा, येढ़ा नीं ओ भई कोई परमेशरा रे अनुग्रह ते छुटी जाओ, या अविश्वासा री कड़वी जड़ तुहांरे बिच फुटी जो कने अपणे जहरा रे जरिये बौहत सारे लोकां जो दुख देओ कने अशुद्ध बणाये।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

लूका 21:35

तिस दिना रा असर धरतिया रे हर इक माहणुये पर पौणा।