लूका 21:3 - बिलासपुरी नौआं नियम

³ फेरी तिन्हें गलाया; “हऊँ तुहांजो सच्च बोलां भई इस गरीब विधवा रे दान्ना री कीमत अमीर लोकां रे बड्डे दान्ना ते जादा इ।

लूका 21:3 Referans Kwoze

2 कुरिन्थियों 8:12

काँह्भई जे किसी च दान देणे री इच्छा हाई, तां सै जे किछ तिसले हाया, तिसरे मुतावक तिसरा दान ग्रहण हूणा, उसरे मुतावक नीं सै जे तिसले निआं।

प्रेरितां 10:34

तां पतरसे गलाया हुण हऊँ पक्का जाणी गया भई परमेशर किसी ने भेद-भाव नीं करदा,

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,

लूका 12:44

हऊँ तुहांजो सच्च बोलां; भई तिस नोकरा जो अपणी सारी जायदाता पर निगरानी करने खातर भण्डारीये रा औहदा देणा।

लूका 9:27

कने हऊँ तुहांजो विश्वास दिलां भई येत्थी खढ़ी रयां चते किछ माहणु येढ़े भई तालुआं तक जे सै परमेशरा जो राज करदा हुआ देक्खी नीं लेन्दे तदुआं तक तिन्हाजो मौत नीं औणी।”

लूका 4:25

पर हऊँ तुहांजो सच्च बोल्लां भई, “एलिय्याह भविष्यवक्ते रे बगत ताहली जे साढ़े तिन्न साल्लां तक अम्बरा ते बरखा नीं हुई कने सारे इस्रायल देशा च बड़ा नकाल़ पैया; तां पक्का इस्राएल च येढ़ियां बौहत जरूरत मन्द विधवां थिआं।

लूका 21:2

कने तिने इक गरीब विधवा जो बी तिसच ताँबे रे छोट्टे दो सिक्के (दमड़ी) पान्दे देख्या।

लूका 21:4

काँह्भई तिन्हें सारयां अपणी जादा कमाईया चा ते थोड़ा जेआ दान दित्या, पर इस गरीब विधवा ले बड़ा थोड़ा इ था कने तिसे सै सब पाईत्या।”