लूका 21:25 - बिलासपुरी नौआं नियम

²⁵ “अम्बरा च हैरान करने औल़ी गल्लां हूणी; सूरज चान्द कने तारयां च चिन्ह सुझणे, कने थल्ले धरतिया री सारी जातियां रे लोकां पर विपत्ति औणी कने समुद्रा री उथल-पुथला जो देखीने लोकां डरी जाणा।

लूका 21:25 Referans Kwoze

प्रकाशितवाक्य 20:11

फेरी मैं इक बड्डा चिट्टा संघासण कने तिसजो देख्या सै जे तिस पर बैठिरा; तिसरे सामणे ते धरती कने अम्बरा नट्ठीगे, कने तिन्हांरे खातर कोई जगह नीं मिली।

प्रेरितां 2:19

कने मांह ऊपर अम्बरा च नोखे काम्म कने थल्ले धरतिया पर चमत्कार, मतलब खून कने आग्ग कने धुयें रा बद्दल़ दसणा।

मरकुस 13:26

“तां तिस वगत लोकां माहणुये रे पुत्रा यनि मिन्जो बड्डिया सामर्था कने महिमा सौगी बदल़ां च औन्दे देखणा।

मरकुस 13:24

“तिन्हां दिना च तिस दुखा ते बाद सूरज अन्धेरा हुई जाणा, कने चन्द्रमे लोय नीं देणी;

मत्ती 24:29

“तिन्हें दिनें सै जे मुशीवत पौणी तिसते इकदम बाद सूरज काला हुई जाणा, कने चन्द्रमे री लोय जान्दी रैहणी, कने अम्बरा ते तारे पौणे लगणे, कने अम्बरा री शक्तियां हिलाई जाणियां।

मरकुस 15:33

दपैहर हुणे पर सारा इलाका अन्धेरे च डुब्बीग्या, कने दोपैहरके तिन्न बजे तक रैया।

मत्ती 27:45

फेरी तिस सारे देशा च दपैहरा ते लेईने तिन्न बजे तक अन्धेरा इ छाईरा रैया।

लूका 21:24

सै तलवारा ने मारे जाणे कने तिन्हारे बैरियां तिन्हांजो बन्दी बणाईने होरीं बौहत देशां च लेई जाणा; कने यरूशलेम पर अन्यजातियां रे लोकां तदुआं तक राज करना तदुआं तक जे तिन्हारा बगत पूरा नीं हुई लो, तिन्हां यरूशलेम रे निवासियां जो नष्ट करी देणा।

लूका 21:26

डरा रिया वजह ने संसारा पर औणे औल़ी मुशीवतां जो देखीने, बौहत लोकां री हिम्मत टुटी जाणी, काँह्भई अम्बरा री शक्तिशाली आत्मां घबराई जाणियां।