लूका 20:47 - बिलासपुरी नौआं नियम

⁴⁷ सै विधवां रा घर बार खाई जांये, कने दसणे खातर बड़िया देरा तक प्राथना करदे रैं, इस खातर इन्हौं बौहत भयानक सजा भुगतणे पौणी।”

लूका 20:47 Referans Kwoze

मरकुस 12:40

सै विधवां जो धोखा देईने तिन्हांरे घराँ कने धन-दौलता जो ठगी लैं, फेरी सै लोकां जो ये दस्सां ये भई बड्डिया देरा तक प्राथना करीने सै बधिया करी रांये। येढ़यां लोकां जो भयानक सजा मिलणी।”

याकूब 3:1

“मेरे साथी विश्वासियो तुहां चते कई सारयां जो उपदेशक बणने री इच्छा नीं करनी चाहिन्दी, काँह्भई अहां सखाणे औल़यां रा न्याय परमेशरा जादा सख्तिया ने करना।

तीतुस 1:16

ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

1 थिस्सलुनीकियां 2:5

तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।

मत्ती 23:14

[अरे कपटी यहूदी शास्त्रियो कने फरीसियो, परमेशरा तुहांजो भयानक सजा देणी! तुहें विधवां रा घर बार खाई जायें, कने दिखावा करने खातर बड़िया देरा तक लम्बी-लम्बी प्राथनायें कराँ ये: इस खातर तुहांजो परमेशरा ते बौहत भयानक सजा मिलणी।]

लूका 20:46

“शास्त्रियां ते बचीने रौआ, इन्हौं लम्मे-लम्मे चोल़े पैहनीने घुमणा खरा लगां, कने इन्हौं बज़ाराँ च नमस्कार, कने यहूदी सभा घराँ च खास आसण, कने धाम्मां च खास जगह प्यारे लगां ये।

लूका 21:1

जिस बगत यीशु मन्दरा च था, तिन्हे अमीराँ जो दान पेट्टिया च दान पान्दे देख्या।