लूका 20:21 - बिलासपुरी नौआं नियम

²¹ तिन्हे जासूसें गलाया, “गुरू जी, अहें जाणाँ ये भई तू ठीक बोलां कने सखां बी आ, कने न त किसी ने कोई भेदभाव रक्खां, पर तुहें सच्चाईया ने परमेशरा रा रस्ता दस्सां ये।

लूका 20:21 Referans Kwoze

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

मरकुस 12:14

तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

गलातियां 2:6

पर तिन्हौं जे लोक अगुवे समझां थे (सै चाये केढ़े बी थे मिन्जो इसते किछ फर्क नीं पौन्दा, परमेशर किसी री तरफदारी नीं करदा) इन्हां अगुवेयां ते मिन्जो कोई नई गल्ल नीं मिली।

लूका 20:20

सै सही मौके रिया तलाशा च थे, इस खातर तिन्हे अगुवेयां किछ जासूसां जो धर्मी माहणुआं रे भेषा च भेज्या भई यीशुये री कोई येढ़ि गल्ल पकड़ा तिसरी शिकायत जे अहें अधिकारियां ने करी सक्को ताकि सै तिसजो गिरफ्तार करी लो।

लूका 20:22

अहांजो येढ़ा दस्सा: भई क्या कैसरा जो कर देणा ठीक आ कि नीं?”