लूका 20:11 - बिलासपुरी नौआं नियम

¹¹ फेरी तिने मालके इक होर दास भेज्या, कने तिस सौगी बी तिन्हे येढ़ा इ बरताव कित्या, तिसजो बी मारया कुट्टया कने बेज्जत करीने खाली हत्थ वापस भेजित्या।

लूका 20:11 Referans Kwoze

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

मरकुस 12:4

फेरी बगीचे रे मालके इक होर दास तिन्हां लौ भेज्या, तिन्हें तिसरा बी सिर फाड़ित्या कने तिसरी बेज्जति कित्ती।

लूका 20:10

ताहली जे अंगूर चुगणे रा बगत आया, तां तिने अपणे इक्की नोकरा जो अंगूरां चाते अपणा हिस्सा लेणे खातर भेज्या। पर तिन्हे करसाणें तिस्सो मारी कुट्टी ने खाली हत्थ भेजित्या।

लूका 20:12

बाद बिच तिने मालके अपणा तिज्जा नोकर भेज्या, पर तिन्हे करसाणें तिसजो बी घायल करीने खाली हत्थ बाहर कड्डित्या।