लूका 2:25 - बिलासपुरी नौआं नियम

²⁵ तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

लूका 2:25 Referans Kwoze

लूका 1:6

जकर्याह कने इलिशिबा ये दोन्नों जणे परमेशरा री नज़राँ च धर्मी थे, सै बड़े ध्याना ने प्रभुये रे हुक्मा जो कने विधियां जो मन्नां थे।

लूका 2:38

ताहली जे शमौन, मरियम कने यूसुफा ने गल्ल-बात करी रां था, तिस बगत हन्नाह बी ऊथी पुज्जी कने परमेशरा री स्तुति करने लगी। फेरी तिसे जाईने तिन्हां सारयां जो यीशुये रे बारे च दस्या, सै जे तिस राजे री निहाल़पा च थे, कने सै आईने यरूशलेम नगरा जो छडवाणे औल़ा था।

मरकुस 15:43

तां अरमतिया रा रैहणे औल़ा यूसुफ आया, सै जे महासभा रे ईज्ज़तदार औहदे पर था कने अप्पूँ बी परमेशरा जो तिसरे राज्जा च इक राजे साई देखणे रे इन्तजारा च था। सै हिम्मत करीने पिलातुसा ले गया कने दफनाणे खातर यीशुये री लाश मंगी।

लूका 1:41

येढ़ा हुया भई जियां जे इलिशिबे, मरियमा री नमस्ते सुणी, तियां इ न्याणा तिसारे गर्भा च फुरने लगया, कने इलिशिबा पवित्र आत्मा ने भरीगी।

2 पतरस 1:21

काँह्भई कोई बी भविष्यवाणी माहणुआं रिया इच्छा ते नीं हुई, पर माहणु पवित्र आत्मा रिया अगुवाईया ते बोलां थे सै जे परमेशर तिन्हांजो दसणा चांह था।

लूका 23:51

सै तिन्हारे फैसले कने कार्यवाईया ते सहमत नीं था, सै यहूदियां रे इक नगर अरिमतियाह रा निवासी था कने परमेशरा रे राज्जा रे औणे रा इन्तजार करीराँ था।

प्रेरितां 24:16

इसते हऊँ अप्पूँ बी कोशिश कराँ भई परमेशरा खौ, कने माहणुआं खौ हऊँ सदा निर्दोष रौ।

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

लूका 1:67

यूहन्ना रा पिता जकर्याह पवित्र आत्मा ने भरीग्या कने तिने येढ़ि भविष्यवाणी किति :

प्रेरितां 2:5

अम्बरा रे थल्ले रे बौहत सारे भगत यहूदी सै जे लग-लग देशां ते आईने यरूशलेम च रैयां राँ थे।