लूका 2:10 - बिलासपुरी नौआं नियम

¹⁰ तां फेरी स्वर्गदूते तिन्हाजो गलाया, “मता डरदे!” हऊँ तुहांरे खातर बड़े मजे री खुशखबरी सुनाणे आईरा सै जे सारे लोकां खातर हूणी।

लूका 2:10 Referans Kwoze

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

मत्ती 14:27

यीशुये फौरन तिन्हांने गल्ल करदे हुये गलाया, “हौंसला रखा! ये हऊँ आ, मता डरदे!”

लूका 1:30

स्वर्गदूते तिसाजो गलाया, “मरियम तू डरदी मत, काँह्भई परमेशर तेरते बौहत खुश आ।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

लूका 8:1

इन्हां गल्लां ते बाद यीशु कने तिसरे बारा चेले नगर-नगर कने गाँवां-गाँवां जाईने लोकां जो परमेशरा रे राज्जा री खुशखबरिया रा प्रचार करदे रै।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

लूका 1:19

फेरी स्वर्गदूते तिसजो जबाब दित्या, “मेरा नौं जिब्राईल आ, हऊँ साक्षात परमेशरा रिया हजूरिया च खढ़िरा रेआं, तिने इ मिन्जो तुन्हांने गल्ल बात करने कने तिज्जो ये खुशखबरी सुनाणे खातर भेजीरा।

लूका 1:13

पर तिने स्वर्गदूते जकर्याह ने गलाया, “जकर्याह डरदा मत, इक पुत्र पाणे रे खातर तैं सै जे प्राथना परमेशरा ने कित्ती री, सै तेरी प्राथना परमेशरे सुणीलरी; कने तेरी जनाना इलिशिबा ते तिज्जो इक पुत्र जमणा! कने तू तिस पुत्रा रा नौं यूहन्ना रखयां।

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”

मरकुस 16:15

कने यीशुये अपणे चेलेयां जो गलाया, “तुहें सारे संसारा च जाईने सारिया सृष्टिया रे लोकां जो खुशखबरी प्रचार करा।

मत्ती 28:5

स्वर्गदूते जनानां ने गलाया, “डरदियां मता, हऊँ जाणाँ भई तुहें यीशुये जो टोल़ी राँईयां सै जे क्रूसा पर चढ़ाया गैईरा।

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।