लूका 19:44 - बिलासपुरी नौआं नियम

⁴⁴ तिन्हां यरूशलेम कने नगरा च रैहणे औल़े सारयां लोकां जो पूरे तरिके ने नाश करना, इसा वजह ने तुहांरियां दीवाराँ कने इमारतां नष्ट हुई जाणियां, ये सब इस खातर हूणा काँह्भई ताहली जे परमेशर तुहांजो छुटकारा देणे खातर आया, तां तुहें समझी नीं पाये।”

लूका 19:44 Referans Kwoze

लूका 21:6

“इक वगत येढ़ा औणा, सै किछ जे तुहें येत्थी देख्या रायें, ये सारियां दीवाराँ कने इमारतां नष्ट हुई जाणियां।”

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

लूका 19:42

यरूशलेम नगरा रे लोको, “जे तुहें समझी जान्दे तां परमेशर आज्ज तुहांजो शान्ति देन्दा हुन्दा; पर हुण तुहें इन्हां गल्लां जो देक्खी नीं सकदे।

लूका 1:68

“प्रभु इस्राएल रे परमेशरा री स्तुति करा, काँह्भई सै अपणे लोकां री मदद करने आईरा कने तिन्हाजो बचाईरा।

मत्ती 24:2

पर यीशुये तिन्हाने गलाया, “तुहें इसा इमारता जो सिधा येत्थी खढ़िरा देखी रायें! हऊँ तुहांजो सच्च बोलां, ये सारियां दीवाराँ कने इमारतां नष्ट हुई जाणियां।”

लूका 1:78

ये अहांरे परमेशरा री दया री वजह ते हुणा, तियां जे सूरज अहांजो रौशनी देणे रे खातर चमकां, तियां इ मसीह बी अहांले स्वर्गा ते औणा,

मरकुस 13:2

यीशुये तिसने गलाया, “तुहें इसा इमारता जो सिधा येत्थी खढ़िरा देखी रायें! ये सब किछ नाश हुई जाणा।”