लूका 19:29 - बिलासपुरी नौआं नियम

²⁹ जिस मौके सै जैतून नौआं रे पहाड़ा पर बसीरे बैतफगे कने बैतनिय्याह नगरा च पुज्जे, ताहली तिन्हें अपणे दुईं चेलयां जो अग्गे भेज्या।

लूका 19:29 Referans Kwoze

मत्ती 21:17

फेरी सै तिन्हाजो छड्डिने यरूशलेम नगरा ते बाहर बैतनिय्याह गाँवां जो गया कने तित्थी तिने रात बताई।

प्रेरितां 1:12

फेरी तिन्हां दुईं माहणुआं रे तित्थी ते जाणे ते बाद चेले जैतून नौआं रे पहाड़ा ते यरूशलेम नगरा जो वापस हुये, सै जे ऊत्थीते तकरीवन इक किलोमीटरा रे फासले पर था।

लूका 24:50

फेरी यीशु तिन्हाजो यरूशलेम नगरा ते बाहर बैतनिय्याह तक लैईया, कने अपणे हत्थां जो स्वर्गा खौ चक्की ने, चेलयां जो आशीष दित्ति।

लूका 22:39

फेरी सै ऊत्थीते उट्ठीने हर रोज्जा साई जैतून पहाड़ा पर गया। कने तिसरे चेले बी तिसरिया सौगी चलीपे।

लूका 21:37

हर रोज यीशु मन्दरा च जाईने उपदेश देआं था, कने संजके जुन्ना ऊत्थीते निकल़ीने जैतून नौआं रे पहाड़ा पर रात विताँ था।

लूका 19:37

नेड़े औन्दे हुये ताहली जे सै जैतून नौआं रे पहाड़ा री तरवाईया ले पुज्जे, तां चेलयां री सारी मण्डली तिसरे कित्तिरे तिन्हां महान चमत्काराँ जो देखीने बड़े खुश हुये कने ऊच्चिया अवाज़ा च परमेशरा रा गुणगान करने लगे।

लूका 19:30

यीशुये तिन्हां चेलयां जो गलाया, “सामणे रे गाँवां च जावा, कने गाँवां च दाखल हुंदे इ, तुहांजो इक गधिया रा बच्चा खुण्डा बझीरा मिलणा तिस पर जे हल्तिये तक किन्हिये बी स्वारी नीं कीतिरा हूणी। तिसजो खोल्ली ने येत्थी ली औआ।