लूका 19:24 - बिलासपुरी नौआं नियम

²⁴ सै सेबक जे नेड़े खढ़िरे थे, राजे तिन्हाजो हुक्म दित्या, इस सेवका ते सिक्का वापस लैई लो, कने सबनीं ते जादा फैदा तिस राजे हुईरा, तिस्सो देई दवा।

लूका 19:24 Referans Kwoze

लूका 16:2

इस खातर तिसरे मालके सै सद्दया कने तिस्सो गलाया, ‘हऊँ ये क्या सुणी कराँ भई तू मेरे सारे पैसयां जो पाणिये साई बहाया राँ? येढ़ा तू अपणे भण्डारी हुणे रे नाते मेरे पैसे रा हिसाब दे, काँह्भई तिज्जो हुण माह भण्डारी नीं रखणा।’

लूका 12:20

पर परमेशरे तिसजो गलाया, ‘अरे मूर्ख! तूं इसा इ राति मरी जाणा! फेरी ये सारा किछ किसरा हूणा, तिसजो जे तैं कट्ठा कित्तिरा?’

लूका 19:13

कने ऊत्थी जाणे ते पैहले, तिने अपणे दस सेबकां जो अप्पूँ ले सद्दीने गलाया, ताहलुआं तक जे हऊँ तुहांजो सौगी निआं, तदुआं तक तिने सेवकां जो लेण-देण करने खातर दस सोने रे सिक्के दित्ते सै जे तिन्न साल्ला री मजदूरिया रे बराबर थे।

लूका 19:23

तैं मेरा सै सिक्का किसी सहूकारा ले ब्याजा पर काँह नीं दित्या ताकि मेरे वापस औणे पर मिन्जो तिसरा किछ ब्याज त मिलदा?’

लूका 19:25

तिन्हे राजे ने गलाया, मालक, तिस सेवका ले त पैहले तेई दस सोने रे सिक्के!