लूका 19:10 - बिलासपुरी नौआं नियम

¹⁰ काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

लूका 19:10 Referans Kwoze

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

रोमियो 5:6

काँह्भई ताहली जे अहें अप्पूँजो बचाणे खातर असहाय थे, तां मसीह अहां पापी लोकां रे खातर तिस वगत मरया, जिस वगता जो जे परमेशरे चुणीरा था।

मत्ती 15:24

तिने जबाब दित्या, “परमेशरे मिन्जो सिर्फ इस्राएलियां च भेज्या काँह्भई सै भटकी रियां भेड्डां साई ये।”

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

मत्ती 10:6

पर इस्राएलियां लेई जायों काँह्भई सै तिन्हां भेड्डां साई ये सै जे अपणे चरवाहे ते दूर हुईगरे।

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 18:11

काँह्भई माहणुये रा पुत्र यनि हऊँ गवाच्छी रयां जो बचाणे आईरा।

यूहन्ना 3:17

काँह्भई परमेशरे अपणे पुत्रा जो संसारा च इस खातर नीं भेज्या भई सै संसारा रे लोकां जो सजा रा हुक्म देओ, पर इस खातर भेज्या भई संसारा रे लोक तिसरे जरिये छुटकारा पाओ।

लूका 15:8

फेरी यीशुये इक होर उदाहरण देईने बोल्या, “मन्नया भई किसी जनाना ले दस चान्दिया रे सिक्के ओ, कने तिन्हां चते जे इक गवाच्छी जाओ, तां क्या तिसा दिऊआ बाल़ीने कने सूण देई-देईने, तदुआं तक तिस सिक्के जो अपणे घरा रिया हर इक कुणियां च नीं टोल़दिया रैहणा तदुआं तक जे सै तिसाजो मिली नीं जाओ?