लूका 18:43 - बिलासपुरी नौआं नियम

⁴³ कने सै तिस इ पल देखणे लगीग्या; कने परमेशरा री जय-जयकार करदा हुआ तिसरे पिच्छे चलीप्या, कने सारयां लोकें देखीने परमेशरा रा गुणगान कित्या।

लूका 18:43 Referans Kwoze

गलातियां 1:24

कने सै मेरे बारे च परमेशरा री महिमा कराँ थे।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

लूका 13:17

ताहली जे तिने येढ़ा गलाया तां यीशुये रा बरोध करने औल़े सारे लोक शर्मिन्दा हुईगे, कने सारी भीड़ तिसरे महान कम्मां जो देखीने खुशी मनाणे लगी।

लूका 5:26

फेरी सारे लोक हैरान हुईगे कने परमेशरा री बडयाई करने लगे, कने सै डरीने बोलणे लगे, “आज्ज अहें नोखियां गल्लां देखी।”

लूका 4:39

तिने तिसारे मंजे रे सराहणे खौ खढ़ी ने बुखारा जो थिड़क्या, कने इकदम इ तिसारा बुखार उतरीग्या। सै इकदम बिस्तरे ते उट्ठीकने तिन्हांरी सेवा च लगी गी।

मत्ती 21:14

फेरी अन्हे कने लंगड़े, मन्दरा च तिसले आये, कने तिन्हाजो तिने ठीक कित्या।

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

मत्ती 9:8

लोक येढ़ा देखीने डरीगे कने परमेशरा रे गीत गाणे लगे तिने जे माहणुआं जो येढ़ा अधिकार दित्या।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

लूका 19:37

नेड़े औन्दे हुये ताहली जे सै जैतून नौआं रे पहाड़ा री तरवाईया ले पुज्जे, तां चेलयां री सारी मण्डली तिसरे कित्तिरे तिन्हां महान चमत्काराँ जो देखीने बड़े खुश हुये कने ऊच्चिया अवाज़ा च परमेशरा रा गुणगान करने लगे।

लूका 9:43

फेरी सारे लोक परमेशरा रिया बड्डिया सामर्था रे कम्मा ते हैरान हुये। यीशु सै जे किछ करया राँ था तिसजो देखीने सारे लोक ताहली जे हैरान हुई कराँ थे तिस बगत यीशुये अपणे चेलयां जो गलाया,