लूका 18:4 - बिलासपुरी नौआं नियम

⁴ तिने न्यायिये बौहत दिनां तक तिसा विधवा रिया गल्ला री परवाह नीं किति, पर बाद बिच तिने मना च बिचार कित्या, हलांकि हऊँ नांत परमेशरा ते डराँ, कने नांई माहणुआं री कोई परवाह कराँ।

लूका 18:4 Referans Kwoze

लूका 16:3

भण्डारीये अपणे मना च सोचया: हुण मेरा क्या हूणा? मेरी त इथीते छुट्टी हुईगी। कने माह च इतणी ताकत नीं भई हऊँ खड्डे खुणी सक्कूं। कने भिख मंगणे ते मिन्जो शर्म लगणी।

लूका 12:17

तिने अपणे मना च सोच्चया, ‘हऊँ नीं जाणदा भई हऊँ क्या करूँ, काँह्भई इतणा अनाज रखणे खातर मेरे भण्डारा च काफी जगह नीं?’

लूका 18:2

“किसी नगरा च इक न्यायी हुआं था, सै नांत परमेशरा ते डराँ था कने नांई किसी माहणुये री परवाह कराँ था।

लूका 18:3

तिस नगरा च इक विधवा बी रैयां थी, सै जे तिसले आईने बार-बार तिसजो बोलदी रैयां थी, भई मेरा दुश्मण तिने जे मेरने बेन्याई करीने मेरा नुक्शान कित्या, तिस माहणुये जो सजा देईने तिसते मिन्जो बचा!

लूका 20:13

बगीचे रे मालके गलाया, हुण हऊँ क्या करूँ? हऊँ अपणे पुत्रा जो तिन्हाले भेजगा, हुई सक्कां भई सै तिसरा आदर करगे।

इब्रानियों 12:9

फेरी ताहली जे अहांरा संसारिक पिता बी अहांजो सुधारने रे खातर सजा देआं, फेरी बी अहें तिसरा आदर कराँ ये। तां ये अहांरे खातर होर बी जादा जरूरी आ, भई परमेशर सै जे अहांरा आत्मिक पिता तिसरे सुधारा जो अहें ग्रहण करी लो ताकि अहें जिऊंदा रौ।