लूका 18:30 - बिलासपुरी नौआं नियम

³⁰ कने तिन्हां इस जुगा च छड्डीरे ते कई गुणा जादा पाणा; पर औणे औल़े युगा च तिन्हां परमेशरा ने सौगी अनन्त काल रा जीवन पाणा।”

लूका 18:30 Referans Kwoze

प्रकाशितवाक्य 2:17

सै जे मेरी गल्ल समझणा चाँह सै ध्यान देईने सुणो, भई परमेशरा रा आत्मा कलीसियां ने क्या बोलणा चांह। सै जे जय पाओ, तिस्सो मांह गुप्त मन्ने चते देणा कने तिस्सो इक सफेद पत्थर बी देणा कने तिस पत्थरा पर इक नौं लिखिरा हूणा, तिसजो जे पाणे औल़े ते इलावा होर कोई नीं जाणी पांगा।”

मत्ती 12:32

कोई माहणुये रे पुत्रा रे बरोधा च जे किछ बोलां, तां तिसरा सै अपराध माफ कित्या जाणा, पर जे कोई पवित्र आत्मा रे बरोधा च बोलगा, तिसरा अपराध न त इस वगता च कने न औणे औल़े वगता च माफ कित्या जाणा।

1 तिमुथियुस 6:6

पर ये अहांरे खातर भला भई अहें सैई करिये सै जे परमेशरा जो खुश कराँ, कने परमेशर जो किछ अहांजो देआं तिस पर अहें संतोख करो।

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।