लूका 17:2 - बिलासपुरी नौआं नियम

² सै जे कोई माह पर विश्वास करने औल़यां चते इक्की जो बी पाप करने पर मजबूर करो, तां तिसरे खातर ये बौहत सजा हुई सक्कां इ भई इक घराटा रा बाट्ट तिसरे गल़े ने बन्हीने समुद्रा च सट्टि दो पर परमेशरा तिसजो इसते बी बौहत भयानक सजा देणी।

लूका 17:2 Referans Kwoze

मरकुस 9:42

यीशुये ये बी बोल्या “सै जे कोई माह पर विश्वास करने औल़यां चते इक्की जो बी पाप करने पर मजबूर करो, भले इ सै इक बच्चे साई कोई हो, ये तिसरे खातर बेहतर हूणा भई इक बजनी पत्थर तिसरे गल़े ने बन्हया जाओ कने तिस्सो डुबणे रे खातर समुद्रा च सट्टि दित्या जाओ, ये तिसरे खातर भयानक सजा हुई सक्का इ पर परमेशरा तिसजो इसते बी भयानक सजा देणी।

मत्ती 18:14

इयां इ स्वर्गा च विराजमान तुहांरा पिता क्या नीं चाहन्दा भई मेरे इन्हां मासूम चेलयां चते कोई इक बी नीं भटको।

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

मत्ती 26:24

माहणुये रे पुत्रा त मरना इ हाया, तियां जे भई पवित्र शास्त्रा च तिसरे बारे च लिखिरा, पर तिसजो भयानक सजा भुगतणे पौणी सै जे माहणुये रे पुत्रा जो पकड़वां : तिस माहणुये रे खातर भला था भई तिसरा जन्म इ नीं हुईरा हुन्दा।”

1 कुरिन्थियों 9:15

पर मैं इन्हां चते कोई बी अधिकार इस्तेमाल नीं कित्तिरा, कने हऊँ ये गल्लां इस खातर नीं लिख्यां रा भई मेरे खातर येढ़ा कित्या जाओ, बजाये इसरे भई कोई माहते तिन्हां गल्लां जोई खोई लो तिसरा जे मिन्जो गर्व आ, इसते त हऊँ मरना ही ठीक समझां।

यूहन्ना 21:15

जलपान करने ते बाद यीशुये शमौन पतरसा जो गलाया, “हे यूहन्ना रे पुत्र शमौन, क्या सच्चमुच तू मेरने इन्हांते जादा प्यार कराँ?” पतरसे यीशुये जो जवाव दित्या, “हाँ, प्रभु! तू जाणाँ भई हऊँ तिज्जो प्यार करां।” यीशुये पतरसा जो गलाया, “मेरे चेलयां जो सम्भाल़ सै जे मेमनयां साई ये।”

मत्ती 17:27

पर अहां रिया बजह ने सै लोक नराज नीं हो इस खातर नदिया पर जा कने अपणा कांटा पाणिये च पा कने फेरी सै जे पैहली मच्छी निकल़ो, तिसारा मुँह खोल्यां तिज्जो इक चान्दिया रा सिक्का मिलणा, तिसजो लेईने मेरा कने अपणा कर चुकाई देआं।”