लूका 16:6 - बिलासपुरी नौआं नियम

⁶ तिने जबाब दित्या, माह पर जैतून रे तेला रा तिन्न हजार सात्त सौ लीटरा रा कर्ज आ। फेरी भण्डारीये तिस्सो गलाया, तिसा पर्चिया जो फाड़ी दे कने तिसरिया जगह अट्ठारा सौ पच्चास लीटरा री पर्ची बणाईले।

लूका 16:6 Referans Kwoze

तीतुस 2:10

कने चोरी चलाकी नीं करो; पर ये साबित करो भई सै हमेशा ईमानदार ए, ताकि लोक तिन्हांरे खरे बर्तावा पर ध्यान देओ कने जो किछ बी सै करां ए सै लोकां रे जरिए अहांरे छुटकारा करने औल़े परमेशरा रे बारे च सन्देश सुनाणे री वजह बणो।

लूका 16:12

कने जे तुसें पराई धन दौलता च विश्वास लायक नींये, तां सै जे तुहांरा सै तुहौं किस देणा?

लूका 16:9

हऊँ तुहांजो बोलां भई इस संसारा रिया धन दौलता रा इस्तेमाल करीने दुज्जेयां जो अपणे मित्र बणावा, तिसते जे सांसारिक धन दौलता रे खत्म हुणे पर तुहांरा स्वर्गा च बड़िया खुशिया ने स्वागत हूणा।

मत्ती 20:8

सांझ हुणे पर बगीचे रे मालके अपणे भण्डारीये जो गलाया, मजदूराँ जो सद्दीने पिछलयां ते लेईने पैहलकयां तक सबनीं जो पैसयां रा भुगतान करी दे।

लूका 16:5

इस खातर तिने तिस हर इक माहणुये जो सद्दया तिन्हे जे तिसरे मालका ते कर्जा लेईरा था, ताकि तिन्हां सौगी तिस बारे च बचार करी सक्को। भण्डारीये पैहले कर्जदारा ते पुच्छया मालका ते तैं कितना कर्जा लेईरा?

लूका 16:7

फेरी भण्डारीये दुज्जे कर्जदारा ते पुच्छया, तैं मेरे मालका ते कितना कर्ज लेईरा? तिने जबाब दित्या, तकरीवन बीह हजार किलो। फेरी तिने भण्डारीये गलाया, ये ले तेरी पर्ची कने तू इसरे बदले सोलह हजार किलो री पर्ची बणाईले।

यूहन्ना 2:6

यहूदी रितिया रे मुताबक ऊथी पाणी भरने रे पत्थरा रे छे मटके रखीरे थे, सै मटके तियां इ थे जियां जे यहूदी शुद्धी करने खातर कम्मां च इस्तेमाल कराँ थे। हर मटके च कोई अस्सी ते इक सौ बीह लीटर तक पाणी औआं था।