लूका 16:16 - बिलासपुरी नौआं नियम

¹⁶ तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

लूका 16:16 Referans Kwoze

मत्ती 21:32

ये हऊँ इस खातर बोलीराँ काँह्भई बपतिस्मा देणे औल़ा यूहन्ना परमेशर तियां जे अपणयां लोकां ते जीवन जीणे री आशा रक्खां तियां तुहांजो जीणा सखाणे रे खातर आया, कने तुहें तिस पर विश्वास नीं कित्या; पर कर लेणे औल़यां कने बेश्यां तिस पर विश्वास कित्या : तुहें ताहली जे ये देख्या भई यूहन्ने क्या कित्या, तां बी अपणे पापां ते मन नीं फिराया कने नांई तिसरे सन्देशा पर विश्वास कित्या।

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

लूका 16:31

पर अब्राहमे तिसजो गलाया, भई तां जे सै मूसा कने भविष्यवक्तयां रियां गल्लां रा पालन नीं करदे, तां जे मरीरेआं चा ते कोई जिऊंदा हुई जाओ, तां बी तिन्हां तिस पर विश्वास नीं करना।

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

लूका 16:29

पर अब्राहमे तिसजो गलाया, तिन्हाले त मूसा कने भविष्यवक्तयां री कताबां इयां, सै तिन्हारी सुणो कने तिन्हांरा पालन करो।

लूका 10:11

तियां जे तुहें अहांरा तिरस्कार कित्या तियां इ अहें बी तुहांरा त्याग कराँ ये; अहें तुहांरे नगरा री तिसा धूड़ी जो सै जे अहांरे पैराँ च लगीरी, तुहांरे सामणे झाड़ी दें, पर भूलणा मत भई परमेशरा रा राज तुहांरे नेड़े आई पुज्जीरा!

लूका 10:9

तिस नगरा रे बमाराँ जो चंगा करा, कने तिन्हाजो बोल्ला भई, हुण परमेशरा रा राज तुहांरे नेड़े आई पुज्जीरा।

मत्ती 4:17

तिस बगता ते यीशुये प्रचार करना कने ये बोलणा शुरु कित्या : “अपणे पापां ते मन फिरावा काँह्भई परमेशरा रा राज नेड़े आईरा।”

लूका 9:2

कने तिन्हौं परमेशरा रे राज्जा रा प्रचार करने कने बमार माहणुआं जो तिन्हांरियां बमारियां ते चंगा करने खातर भेज्या।

मरकुस 1:14

किछ वगता ते बाद राजा हरोदेशे यूहन्ने जो पकड़ीने जेल्ला च पाया, इसते बाद यीशु गलील प्रदेशा च आया तित्थी तिने परमेशरा रिया खुशखबरिया रा प्रचार कित्या,

मत्ती 10:7

कने तिन्हांजो ये उपदेश देयों भई परमेशर अहां सब्बीं लोकां पर राज करने जो बड़े जल्दी आई कराँ।

यूहन्ना 12:19

तां फरीसी अप्पूँ चियें बोलणे लगे, “सोच्चा अहें किछ मनी करी सकदे। देक्खा, संसारा रे सारे लोक इसरे इ पिच्छे चली परे।”

यूहन्ना 11:48

जे अहें हुण इस्सो येढ़ा करदे हुये नीं रोकया, तां सारयां तिस पर मसीहा समझीने विश्वास करने लगी जाणा, कने रोमी लोकां आईने अहांरे मन्दरा कने अहांरे लोकां रा नाश करी देणा।”

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 15:11

सै जे मुँआं रे अन्दर जां, सै माहणुआं जो अपवित्र नीं करदा, पर तिसरे मुँआं ते निकल़ीरा शब्द तिस्सो अपवित्र कराँ।”

यूहन्ना 5:4

काँह्भई इक येढ़ा बगत हुआं था ताहली जे परमेशरा रे स्वर्गदूत कुण्डा च आईने पाणिये जो हिलां थे। पाणिये रे हिल्दे इ पैहले सै जे कोई कुण्डा च उतराँ, सै अपणियां सारियां बमारियां ते ठीक हुई जां था, चाये तिसरी कोई बी बमारी काँह नीं ओ।