लूका 15:15 - बिलासपुरी नौआं नियम

¹⁵ फेरी सै काम्म टोल़णे खातर तिस देशा रे इक्की करसाणे ले गया कने तिसने बिनती किति भई सै अपणे सूराँ जो चराणे खातर मिन्जो रखी लो, तिने करसाणे सै रखील्या कने सूराँ जो चराणे खातर भेजित्या।

लूका 15:15 Referans Kwoze

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

रोमियो 6:22

पर हुण तुहांजो पापा ते छुटकारा मिली चुक्कीरा कने तुहें परमेशरा रे दास बणी चुक्कीरे। इस खातर इन्हां तुहांजो पवित्र बनाणा कने अनन्त जीवना री तरफ लेई जाणा।

लूका 15:13

किछ दिनां ते बाद, तिने छोट्टे मुण्डुये अपणा सारा समान बन्हील्या कने किति दूर देशा जो चलिग्या, कने तिसा जगह बुरे कम्मां च फसीने तिने अपणा सारा पैसा गवाईत्या।

मत्ती 7:6

सै लोक जे परमेशरा रे सन्देशा जो सुणना नीं चाहन्दे तिस्सो मता सुणादे। जे तुहें येढ़ा करगे, तां ये पवित्र चीज़ कुत्तयां जो कने मोती सूराँ रे अग्गे सटणे साई हुणे भई सै सिर्फ तिन्हौं पैराँ हेठ रौंदणा कने पलटी ने तिन्हां तुहांरा नुक्शान करना।”

लूका 15:14

ताहली जे सै अपणा सारा पैसा खर्च करीने खाली हुईग्या, तां फेरी तिस देशा च नकाल़ पैया, कने सै गरीब हुईने भुक्खा मरने लगया।

लूका 15:16

तिस्सो इतणी जादा भूक्ख लगीरी थी भई तिन्हां फल़ियां जे सूर खां थे सै तिन्हाजो खाईने अपणा पेट भरना चाँह था, पर तिन्हां चते बी तिस्सो किछ नीं मिलदा था।