लूका 14:23 - बिलासपुरी नौआं नियम

²³ तां मालके तिस्सो गलाया, ‘नगरा रे बाहरा रे लोकां जो एत्थी औणे रे खातर मजबूर करा, तिसते जे मेरा घर भरी जाओ।

लूका 14:23 Referans Kwoze

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

2 कुरिन्थियों 5:11

इस खातर प्रभु ते डरदे हुये अहें सच्चाईया पर विश्वास करने रे खातर लोकां ने विनती करदे रै; परमेशर खुद अहौं पूरे तरिके ने जाणा भई अहें केढ़े; कने मेरी आशा येई भई तुहें बी अहांजो ठीक ढंगा ने जाणाँ ये।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

2 कुरिन्थियों 5:20

इस खातर अहें मसीह रे राजदूत ये; मानो परमेशर अहांरे जरिये तुहांजो बिनती करी रां। मसीह रिया तरफा ते अहें तुहांजो निवेदन कराँ ये भई परमेशरा ने मेल-मलाप करी लो।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

रोमियो 10:18

पर हऊँ बोलां, “सच्चीजो यहूदी लोकें परमेशरा रा सन्देश सुणीरा” काँह्भई पवित्रशास्त्रा च लिखिरा, “तिन्हांरे बोलीरे बचन सारिया धरतिया पर, कने तिन्हांरे बचन संसारा री सारियां जगहां च पुज्जी चुक्कीरे।”

प्रेरितां 28:28

इस खातर तुहें जाणो भई परमेशरा रे इस छुटकारे री कथा अन्यजातियां ले भेज्जी गईरी, कने तिन्हां ग्रहण करनी।”

प्रेरितां 18:6

पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

मत्ती 21:43

“इस खातर हऊँ तुहांजो बोलां परमेशरा रा राज तुहांते खोया जाणा कने सै तिन्हां लोकां जो देई दित्या जाणा सै जे तिसरे राज्जा रे मुतावक बर्ताव करगे।

प्रेरितां 16:15

तां जे तिसे अपणे घराने समेत बपतिस्मा लया, तां तिसे अहांने विनती किति, जे तुहें मिन्जो प्रभुये री विश्वासी समझां यें तां, चलीने मेरे घरा च रौआ, “कने सै अहांजो मनाई ने लई गई।”

लूका 24:29

पर तिन्हे ये बोल्लीने विनती किति भई, “आज्ज अहां ले रुका, काँह्भई दिन घरी गरा था, कने रात हुईगरी थी!” इस खातर यीशु रैहणे जो तिन्हारे घरा जो गया।

मत्ती 5:41

जे कोई तिज्जो इक मील चलने जो मजबूर करो, तां तिस सौगी तू दो मील चली जा।

लूका 14:22

तिसते बाद तिसरे नोकरे तियां इ कित्या। फेरी तिने आईने ‘मालका, ने गलाया, अहांले होर बी लोकां रे खातर जगह इ।’

लूका 14:24

काँह्भई हऊँ तुहांजो बोलां भई तिन्हांजो जे मैं पैहले नियून्दा देईने सद्दीरा था, तिन्हारे खातर इस खाणे चते किछ बी चखणे जो नीं मिलणा, सै जे मैं बणाईरा’।”