लूका 14:21 - बिलासपुरी नौआं नियम

²¹ सै नोकर मुड़ीने अपणे मालका ले आया कने सै जे किछ लोकें गलाया था सै सारी गल्लां तिसजो दस्सी। तिने मालके गुस्से च आई ने गलाया, ‘नगरा रे बज़ाराँ कने गल़ियां च इकदम जाईने गरीबां, टुण्डयां, लंगड़यां कने अन्हेयां जो सद्दीने लीऔ।’

लूका 14:21 Referans Kwoze

लूका 14:13

तां जे तूं धाम करगा तां तू गरीबां, लंगड़यां, टुण्डयां कने अन्हेयां जो सदयां।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

यूहन्ना 9:39

फेरी यीशुये गलाया, “हऊँ इस संसारा च इस न्याय जो करने आईरा, ताकि सै जे नीं देखदे सै देखणे लगो कने सै जे देक्खां ये सै अन्हे हुई जाओ।”

लूका 14:24

काँह्भई हऊँ तुहांजो बोलां भई तिन्हांजो जे मैं पैहले नियून्दा देईने सद्दीरा था, तिन्हारे खातर इस खाणे चते किछ बी चखणे जो नीं मिलणा, सै जे मैं बणाईरा’।”

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

मत्ती 11:28

“अपणे धर्मगुरुआं रे नियमा रे बोझे हेठ दबोई रे सारे लोको, मेरले औआ, हऊँ तुहांजो सुख चैन देंगा।

लूका 9:10

फेरी प्रेरिते मुड़ीने आईने, जो किछ तिन्हें कित्या था तिसजो दस्सीत्या, कने सै तिन्हांजो अलग करीने चुपचाप बैतसैदा नगरा जो लेईग्या।

मत्ती 18:31

तिसरे साथी दोस्त इसा सारिया घटना जो देखीने बड़े दुखी हुये, कने सै जे किछ हुया था तिसरा सारा हाल अपणे मालका जो जाईने दस्सीत्या।

मत्ती 15:12

फेरी यीशुये रे चेले तिसले आये कने गलाया, “क्या तिज्जो पता भई तेरिया गल्ला रा फरीसियें बड़ा बुरा मन्नया?”

लूका 14:20

इक्की होरी गलाया, मेरा नया-नया ब्याह हुईरा इस खातर हऊँ नीं आई सकदा।

लूका 14:22

तिसते बाद तिसरे नोकरे तियां इ कित्या। फेरी तिने आईने ‘मालका, ने गलाया, अहांले होर बी लोकां रे खातर जगह इ।’

मत्ती 20:7

तिन्हें मालका जो जवाव दित्या, इस खातर भई किन्हिये अहांजो मजदूरिया पर नीं लगाया। फेरी मालके तिन्हांजो बोल्या, तुहें बी मेरे बगीचे च जावा कने काम्म करा।