लूका 14:15 - बिलासपुरी नौआं नियम

¹⁵ येढ़ा सुणीने धाम्मा च यीशुये सौगी बैठिरे इक माहणुये गलाया, “आशीषित आ सै माहणु सै जे परमेशरा रे राज्जा रिया धाम्मा च रोटी खांगा।”

लूका 14:15 Referans Kwoze

प्रकाशितवाक्य 19:9

फेरी स्वर्गदूते मेरने गलाया, “ये लिख, भई आशीषित सै ये, तिन्हौं जे मेमने रे ब्याह रिया धाम्मा च सद्दया गया।” फेरी तिने मेरने गलाया, “ये वचन परमेशरा रे सच्चे वचन ये।”

लूका 22:30

तुहें तिस राज्जा च मेरे मेचा पर खाई पी सक्को, कने तुहां राजयां रे आसणा पर बैट्ठीने इस्राएल रे बारा गोत्राँ रा फैसला करगे।

लूका 13:29

कने धरतिया रे चऊँ पासयां ते सारे संसारा रे लोकां आईने परमेशरा रे राज्जा रिया धाम्मा च शामल हूणा।

मत्ती 25:10

ताहली जे सै खरीदी ने लौणे जो जाणे लगियां तां लाड़ा आई पुज्जया, कने सै कन्यां जे त्यार थिआं, सै तिस सौगी ब्याह रे घरा च चलीगियां कने दरवाजा बन्द करित्या।

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

मत्ती 8:11

कने हऊँ तुहांजो बोलां, भई मते सारे अन्यजातियां रे लोकां पूर्वा ते कने पश्चिमा ते आईने अब्राहम, इसहाक कने याकूब ने सौगी स्वर्गा रे राज्जा च खाणा खाणे बैठणा।

लूका 22:16

काँह्भई हऊँ तुहांजो सच्च बोलां, भई तदुआं तक जे परमेशरा रे राज्जा च फसह रे त्योहारा रा मकसद पूरा नीं हुईजो, तदुआं तक मांज इसजो नीं खाणा।”