लूका 13:33 - बिलासपुरी नौआं नियम

³³ बस आज्ज कल कने परसों मिन्जो अपणे रस्ते चलना जरूरी आ, काँह्भई हुई नीं सकदा भई कोई भविष्यवक्ता यरूशलेम नगरा ते वाहर मारया जाये!

लूका 13:33 Referans Kwoze

लूका 9:53

पर तिस गाँवां रे लोकें तिन्हाजो वापस भेजित्या काँह्भई तिन्हे लोकें जाणील्या भई यीशु ऊत्थी ते अग्गे यरूशलेम री तरफ जाणे औल़ा इस खातर तिन्हे ऊत्थी यीशुये रा स्वागत नीं कित्या।

मत्ती 21:11

लोकें गलाया, “ये गलील रे नासरत नगरा रा भविष्यवक्ता यीशु आ।”

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

मत्ती 20:18

“देक्खा, अहें यरूशलेम नगरा जो जाया राँये; कने माहणुये रा पुत्र यनि हऊँ मुखियायाजकां कने यहूदी शास्त्रियां रे हवाले कित्या जाणा, कने तिन्हां मिन्जो मौती रे लायक समझणा।

यूहन्ना 11:54

फेरी यीशुये तिस बगता ते यहूदियां रे सामणे खुल्लेआम औणा जाणा बन्द करित्या, फेरी सै सुनसान इलाके च एप्रैम गाँवां जो चलिग्या; कने अपणयां चेलयां सौगी तित्थी रैहणे लगया।

यूहन्ना 9:4

तिने जे हऊँ भेज्जिरा, अहांजो तिसरे काम्म दिनें-दिनें इ करी लेणा जरूरी आ; काँह्भई सै रात औणे औल़ी तिसच जे कोई काम्म नीं करी सकदा।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 11:9

यीशुये जबाब दित्या, “क्या इक्की दिना च बारा घण्टे नीं हुंदे? जे कोई दिना रे उजाले च चलो तां सै ठोकर नीं खांदा, काँह्भई सै सूरजा रिया लोई जो देखां।