लूका 13:32 - बिलासपुरी नौआं नियम

³² यीशुये तिन्हाजो गलाया, “जाईने तिस गिदड़ियां साई जालिम माहणुये ने बोल्ली दे भई हऊँ आज्ज कने कल बुरीआत्मा जो नकाल़ां कने बमाराँ जो ठीक कराँ; कने तिज्जे दिन मांह अपणे कम्मा जो पूरा करना।

लूका 13:32 Referans Kwoze

इब्रानियों 2:10

परमेशरे सब किछ बणाईरा कने तिसजो सै लगातार अपणे खातर बणाईने रखां। परमेशरे सही कित्या ताहली जे तिने दुखा रे जरिये यीशुये जो सिद्ध कित्या ताकि सै बौहत सारयां बच्चयां जो महिमा च पहुँचाये। काँह्भई यीशु इ हाया सै जे तिन्हौं छुटकारे च लेई जां।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

इब्रानियों 7:28

काँह्भई मूसा री व्यवस्था तिस माहणुये जो महायाजक हुणे खातर नियुक्त कराँ इ सै जे सिद्ध नींआ, पर व्यवस्था ते बाद परमेशरे कसम खाईने अपणे पुत्रा जो नियुक्त कित्या कने तिसरा पुत्र युगां-युगां तक सिद्ध महांयाजक बणीरा।

यूहन्ना 10:32

इस पर यीशुये तिन्हांजो गलाया, “मैं तुहांजो अपणे पिता रिया तरफा ते कई भले काम्म दस्से; तिन्हां चा ते किस कम्मां खातर तुहें माह पर पत्थर मारीराँ ये?”

मरकुस 6:14

हुण राजा हेरोदेस अन्तिपासे बी तिन्हां कम्मां री चरचा सुणी सै जे यीशु करया रां था, काँह्भई बौहत सारे लोक तिसरे बारे च जाणां थे कने तिसरे बारे च चरचा करया राँ थे, भई “ये यूहन्ना बपतिस्मा देणे औल़ा हूणा चाहिन्दा! सै मूईरयां चते जिऊंदा हुईगरा! तिसले परमेशरा री शक्ति तिसा वजह ने जे सै सामर्था रे काम्म करया राँ।”

यूहन्ना 19:30

फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।