लूका 13:28 - बिलासपुरी नौआं नियम

²⁸ जिस बगत तुहां अपणे पूर्वज अब्राहम, इसहाक, याकूब कने सारे भविष्यवक्तयां जो परमेशरा रे राज्जा च देखणा फेरी तित्थी तुहां रोणा कने दान्द किरड़ने! पर तुहांजो ऊत्थीते बाहर कडी दित्या जाणा।

लूका 13:28 Referans Kwoze

मत्ती 25:30

इस खातर तिस बेकार सेवका जो बाहर अन्धेरे च पाई दवा, तित्थी जे रोणा कने दन्द किरड़ना हूणा।

मत्ती 22:13

फेरी राजे अपणे सेबकां जो गलाया, ‘इसरे हात्थ-पैर बन्हीने बाहर अन्धेरे च सट्टि दवा, तित्थी लोक रोन्दे कने दन्द किरड़दे हो।’

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

2 थिस्सलुनीकियां 1:5

ये सब ये साबित कराँ भई परमेशरा रा न्याय सही आ कने इसरा नतीजा ये हूणा भई तुहें परमेशरा रे राज्जा रे लायक हुणे, तिस खातर जे तुहें दुख बी सैया राँये।

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

लूका 16:23

कने तिसरी आत्मा नरका च चलीगी। तित्थी पीड़ा च तड़फदे हुये ताहली जे तिने ऊपर देख्या तां दूरा ते तिस्सो इक्की जगह लाजर अब्राहमा रे नेड़े बैठिरा सुझया।

लूका 14:15

येढ़ा सुणीने धाम्मा च यीशुये सौगी बैठिरे इक माहणुये गलाया, “आशीषित आ सै माहणु सै जे परमेशरा रे राज्जा रिया धाम्मा च रोटी खांगा।”

लूका 10:15

अरे कफरनहूम नगर, तू क्या सोच्चां भई स्वर्गा च परमेशरा तेरा आदर करना? नां, तुज त थल्ले अधोलोका च पौणा।

मत्ती 24:51

कने तिसरे मालका तिस्सो बौहत-बुरी सजा देणी कने कपटियां रे बिच तिसरी जगह तैह करनी तिसा जगह जे लोक रोन्दे कने दान्द किरड़दे हुणे।”

मत्ती 13:50

कने पापियां जो नरका रिया अग्गी च पाई देणा; तित्थी तिन्हां रोणा कने दान्द किरड़ने।

मत्ती 13:42

कट्ठे करीने नरका रिया अग्गी च पाई दित्ते जाणे, तित्थी सिर्फ दान्द किरड़ना कने रोण-पिट्टण इ हूणा।