लूका 13:17 - बिलासपुरी नौआं नियम

¹⁷ ताहली जे तिने येढ़ा गलाया तां यीशुये रा बरोध करने औल़े सारे लोक शर्मिन्दा हुईगे, कने सारी भीड़ तिसरे महान कम्मां जो देखीने खुशी मनाणे लगी।

लूका 13:17 Referans Kwoze

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

2 तिमुथियुस 3:9

पर ये लोक बौहत वगता तक लोकां जो धोखा नीं देई सकगे, काँह्भई तियां जे लोकें यन्नेस कने यम्ब्रेस री मूर्खता जो पछयाणील्या था, तियां इ सारयां लोकां तिन्हां रिया मूर्खता जो पछयाणी लेणा।

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

लूका 20:40

इसते बाद दुज्जी दफा किसी जो प्रभुये ते किछ बी पुछणे री हिम्मत नीं पैई।

लूका 19:48

पर कोई बी तरकीब नीं नकाल़ी सक्के; काँह्भई प्रभु सै जे किछ गल्लां था, लोक तिन्हारी इक्की-इक्की गल्ला जो बड़िया गौरा ने सुणां थे।

लूका 18:43

कने सै तिस इ पल देखणे लगीग्या; कने परमेशरा री जय-जयकार करदा हुआ तिसरे पिच्छे चलीप्या, कने सारयां लोकें देखीने परमेशरा रा गुणगान कित्या।

लूका 14:6

इस स्वाला रा तिन्हाले कोई जबाब नीं था।

तीतुस 2:8

कने सै सिखा सै जे सच्च आ कने तिसरी जे कोई निंध्या नीं करी सक्को, ताकि तेरे शत्रु शर्मिन्दा हो, काँह्भई किछ बी बुरा नीं हुणा सै जे सै अहांरे बरोधा च बोल्ली सक्को।