लूका 13:13 - बिलासपुरी नौआं नियम

¹³ फेरी यीशुये तिसारे सिरा पर अपणे हाथ रखे, कने सै इकदम सीधी हुईगी कने परमेशरा रा गुणगान कने धन्यवाद करने लगी!

लूका 13:13 Referans Kwoze

मरकुस 16:18

जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

मरकुस 5:23

कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।”

मरकुस 8:25

तां तिने फेरी भीं तिसरियां आक्खीं पर हात्थ रखे, कने अन्हे बड़े गौरा ने देख्या। सै ठीक हुईग्या, कने सब साफ-साफ देखणे लगया।

मरकुस 6:5

तिन्हे तिस पर विश्वास नीं कित्या इस खातर तिने अपणे हात्थ रक्खीने सिर्फ किछ इ लोकां जो ठीक कित्या; इसते इलावा सै ऊत्थी होर कोई चमत्कार नीं करी सक्कया।

लूका 4:40

संजके जुन्ना ताहली जे सूरज घरने लग्या, सारे लोक सै जे कई किस्मा री बमारियां ते जकड़ोईरे थे, सै सारे मरीजां जो यीशुये ले ली आये, कने तिने हर इक्की-इक्की मरीजा जो तिन्हां पर हत्थ रखीने ठीक कित्या।

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”

लूका 18:43

कने सै तिस इ पल देखणे लगीग्या; कने परमेशरा री जय-जयकार करदा हुआ तिसरे पिच्छे चलीप्या, कने सारयां लोकें देखीने परमेशरा रा गुणगान कित्या।

मत्ती 9:8

लोक येढ़ा देखीने डरीगे कने परमेशरा रे गीत गाणे लगे तिने जे माहणुआं जो येढ़ा अधिकार दित्या।

लूका 13:12

यीशुये ताहली जे सै देखी तां तिने तिसाजो अप्पूँ ले सद्दीने गलाया, “पुत्री, तू अपणियां इसा बमारिया ते अजाद हुईगी!”