लूका 12:5 - बिलासपुरी नौआं नियम

⁵ पर हऊँ तुहांजो दस्सां, भई परमेशरा ते डरा तिसले जे लोकां जो मारने कने तिन्हाजो नरका च पाणे री बी समरथ्या इ।

लूका 12:5 Referans Kwoze

2 पतरस 2:4

परमेशरे तिन्हां स्वर्गदूतां जो नीं छडया ताहली जे तिन्हें पाप कित्या पर तिन्हांजो नरका च सटीत्या, तित्थी जे तिन्हांजो बेड़ियां ने बन्हीने अन्धकारा च रखीरा ताकि सै न्याय रे दिना तक तित्थी पैईरे रौ।

मत्ती 10:28

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

प्रकाशितवाक्य 14:7

कने तिने ऊच्चिया अवाज़ा च गलाया, “परमेशरा जो आदर देआ, कने तिसरी महिमा करा, काँह्भई तिसरे न्याय करने रा बगत आईगरा; तिसरी अराधना करा, तिने जे स्वर्ग कने धरती कने समुद्र कने पाणिये रे सोते बणाये।”

इब्रानियों 10:31

किसी रा जिऊंदे परमेशरा रिया सामर्था रे अधीन हूणा इक खतरनाक गल्ल इ।

प्रकाशितवाक्य 20:14

मौत कने अधोलोक बी अग्गी रिया नदिया च पाई दित्ते गये। ये अग्गी री झील दुज्जी मौत इ;

1 थिस्सलुनीकियां 4:6

भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

मरकुस 13:23

पर तुहें खबरदार हुईने रौआ, देक्खा, मैं तुहांजो सब गल्लां पैहले तेई दस्सी तियां।