लूका 12:47 - बिलासपुरी नौआं नियम

⁴⁷ “कने सै दास जे अपणे मालका री इच्छा जाणदा था कने तिस खातर त्यार नीं रेआ कने मालका रिया इच्छा रे मुतावक नीं चलया तां तिस्सो शख्त सजा दित्ति जाणी।

लूका 12:47 Referans Kwoze

याकूब 4:17

इस खातर सै जे भलाई करना जाणाँ, पर करदा नींआ, तिसरे खातर ये पाप आ।

यूहन्ना 9:41

यीशुये तिन्हांने गलाया, “जे तुहें अन्हे हुन्दे तां पापी नीं ठहरदे; पर तियां जे तुहें बोल्लां ये भई तुहें देक्खी सक्कां ये, इस खातर तुहांजो माफ नीं कित्या जाणा।”

यूहन्ना 12:48

सै जे मिन्जो छोट्टा जाणाँ सै मेरियां गल्लां मनदा निआं तिस्सो दोषी बनाणे औल़ा त इक आ; मतलब सै जे वचन मैं बोल्या, तिस इ न्याय रे दिन तिस्सो दोषी ठराना।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

यूहन्ना 19:11

यीशुये तिस्सो जबाब दित्या, “जे परमेशरा रिया तरफा ते तिज्जो अधिकार नीं दित्या हुन्दा; तां तेरा मांह पर कोई अधिकार नीं हुंदा; इस खातर तिने माहणुये जे मिन्जो तेरे हवाले कित्तिरा, तिसरा पाप जादा।”

लूका 12:41

फेरी पतरसे पुच्छया, “प्रभु जी, ये कहाणी तुहें अहांरे खातर बोल्ली राँये; या सारयां रे खातर इ?”

लूका 12:46

तां तिस दास्सा रे मालका येढ़े दिन आई जाणा तिसरे बारे जे तिने सोचया बी नीं ओ। तिस अपणे दास्सा जो बुरे हाल्लें फटकारना, इस तरिके ने तिसरा अन्त बी तेढ़ा हूणा सै जे अविश्वासियां रा हुआं।