लूका 12:45 - बिलासपुरी नौआं नियम

⁴⁵ पर जे सै दास सोचणे लगो, भई ‘मेरा मालक त औणे च बौहत देर करी रां,’ कने सै दुज्यां दास-दासियां जो मारना-कुटणा शुरु करी दो कने धाम्मां करया दा ओ, कने शराब पी ने टुन रहणे लगो,

लूका 12:45 Referans Kwoze

प्रकाशितवाक्य 18:24

इसा धरतिया पर सै लोक जे मारीते गये थे तिन्हांरा, कने भविष्यवक्तयां कने पवित्र लोकां रा खून तिसा च पाया गया।”

प्रकाशितवाक्य 16:6

काँह्भई तिन्हें परमेशरा रे लोकां रा, कने भविष्यवक्तयां रा खून बहाया था, कने तैं तिन्हांजो खून प्याया; काँह्भई सै इस इ लायक ये।”

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।

2 पतरस 2:13

तिन्हांजो बुराईया रा बदला बुराईया तेई मिलणा। दिना रे उजाले च भोग-विलास करना तिन्हांजो ठीक लगां, ये लोक तुहांरे बिच कलंक कने धब्बा ये। ये लोक दुज्यां लोकां जो धोखा देणे च खुश हुआं ये ताहली जे तुहां सौगी संगतिया रा भोज खांये।

1 थिस्सलुनीकियां 5:7

काँह्भई सै जे सौआयें सै राति जोई सौआयें, कने सै जे मतवाले हुआं ये सै राति जोई मतवाले हुआं ये।

2 कुरिन्थियों 11:20

काँह्भई जे कोई तुहांजो दास बणाये, तुहांरा शोषण करो, तुहांजो किसी जाल़ा च फसाये, अप्पूँजो तुहां ते बड्डा बणाये या तुहांरे मुँआं पर चपैड़ मारो, तां तुहें तिसजो सैहण करी लें।

रोमियो 16:18

काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।

मत्ती 22:6

कने किछ लोकें त राजे रे सेवका जो पकड़ीने तिसने मार-कुट किति कने जानी ते मारीते।

लूका 12:44

हऊँ तुहांजो सच्च बोलां; भई तिस नोकरा जो अपणी सारी जायदाता पर निगरानी करने खातर भण्डारीये रा औहदा देणा।

लूका 12:46

तां तिस दास्सा रे मालका येढ़े दिन आई जाणा तिसरे बारे जे तिने सोचया बी नीं ओ। तिस अपणे दास्सा जो बुरे हाल्लें फटकारना, इस तरिके ने तिसरा अन्त बी तेढ़ा हूणा सै जे अविश्वासियां रा हुआं।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

यूहन्ना 2:10

“हर कोई पैहले बधिया दाखरस परोसां कने ताहली जे मेहमान पी ने तृप्त हुई जांये तिसते बाद सै दाखरस जे परोसया जां सै इतणा बधिया नीं हुन्दा; पर तैं बधिया दाखरस हुण तक संभाली ने रखीरा।”

प्रेरितां 2:18

पर मांह अपणे दास कने दासियां पर बी तिन्हां दिना च अपणे आत्मा चते भेजणा, कने तिन्हां भविष्यवाणी करनी।