लूका 12:42 - बिलासपुरी नौआं नियम

⁴² प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

लूका 12:42 Referans Kwoze

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

1 तिमुथियुस 5:17

सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

मत्ती 20:8

सांझ हुणे पर बगीचे रे मालके अपणे भण्डारीये जो गलाया, मजदूराँ जो सद्दीने पिछलयां ते लेईने पैहलकयां तक सबनीं जो पैसयां रा भुगतान करी दे।

इब्रानियों 3:5

मूसा त परमेशरा रे लोकां रे खातर सेवका साई बफादार था कने तिने तिसा गल्ला रा वर्णन कित्या सै जे परमेशर भविष्य च बोलणे औल़ा था।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

लूका 7:13

तिसा विधवा री हालत देखीने प्रभुये जो तिसा पर बड़ा तरस आया कने गलाया “रोन्दी मत!”

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

लूका 7:19

फेरी तिने अपणे दो चेलयां जो सद्दीने प्रभु ले ये पुछणे खातर भेज्या भई, “क्या औणे औल़ा तूई हाया, या फेरी अहें किसी दुज्जे री आशा रखिये?”

लूका 12:43

आशीषित आ सै दास, ताहली जे तेरा स्वामी औआं तां तिज्जो काम्म करदे हुये देक्खां।