लूका 11:47 - बिलासपुरी नौआं नियम

⁴⁷ “तुहांजो त बौहत भयानक सजा मिलणी! काँह्भई तुहें तिन्हां भविष्यवाणी करने औल़यां पवित्र माहणुआं खातर कब्र बणायें, तिन्हाजो जे तुहांरे बजुर्गें मारी दितिरा।

लूका 11:47 Referans Kwoze

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।

प्रेरितां 7:51

“तुहें जिद्दी लोक ये सै जे परमेशरा रे हुक्म नीं मनदे कने तिसरियां गल्लां बी नीं सुणदे, तुहें सदा पवित्र आत्मा रा बरोध कराँ ये। तेढ़ा जे तुहांरे पूर्वज कराँ थे, तेढ़ा इ तुहें बी कराँ ये।

मत्ती 23:27

“ओ कपटी शास्त्रियो कने फरीसियो परमेशरा तुहांजो बौहत भयानक सजा देणी! तुहें लिपाई-पुताई कित्तिरी कब्राँ साई ये सै जे गासा ते देखणे जो त बांकियां लगां इयां, पर अन्दरा ते मुर्देयां री हड्डियां ने कने हर किस्मा री गन्दगिया ने भरीरी हुआं इयां।

लूका 11:48

खूनियो! तुहें अपणे बजुर्गां रे कम्मां च सहमत हुआं ये भई सै किछ जे तिन्हें कीतिरा सै ठीक कीतिरा। काँह्भई तिन्हे त भविष्यवाणी करने औल़यां जो मारया कने तुहें तिन्हारी कब्राँ बणाईयां।