लूका 11:42 - बिलासपुरी नौआं नियम

⁴² “पर फरीसियो, तुहांजो बौहत भयानक सजा मिलणी! तुहें अपणी छोट्टी ते छोट्टी कमाईया रा यनि सौंफ, जीरा, कने पुदीने रा बी दसवां हिस्सा देणा नीं भुलदे, पर तुहें न्याय कने परमेशरा रे प्यारा जो भुल्ली जायें। ये ठीक आ भई तुहें दशमांश दें, पर सै जे इसते बी जरूरी गल्ल इ, तुहें तिसजो बी करना नीं भूल्लो।

लूका 11:42 Referans Kwoze

मत्ती 23:23

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें पुदीने, कने सुँफा, कने जीरे रा दसवां हिस्सा त परमेशरा जो दें, पर तुहें व्यवस्था री खास गल्लां जो यनि न्याय, दया कने बफादारिया रा तिरस्कार कराँ ये; तुहांजो ये चाहिन्दा था भई इन्हांजो बी करदे रैहन्दे कने तिन्हांजो बी नीं छडदे।

लूका 18:12

हऊँ हफ्ते च दो बार उपवास रखां, कने अपणी सारी औंदणिया रा दसवां हिस्सा बी देआं।”

1 यूहन्ना 4:20

जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

मत्ती 23:27

“ओ कपटी शास्त्रियो कने फरीसियो परमेशरा तुहांजो बौहत भयानक सजा देणी! तुहें लिपाई-पुताई कित्तिरी कब्राँ साई ये सै जे गासा ते देखणे जो त बांकियां लगां इयां, पर अन्दरा ते मुर्देयां री हड्डियां ने कने हर किस्मा री गन्दगिया ने भरीरी हुआं इयां।

यूहन्ना 5:42

पर हऊँ तुहांजो जाणाँ भई तुहांरे अन्दर परमेशरा रा प्यार निआं।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।