लूका 11:32 - बिलासपुरी नौआं नियम

³² फेरी न्याय रे दिन, नीनवे रे लोकां बी इसा पीढ़ियां रे लोकां रे खलाफ उट्ठणा कने तिन्हाजो दोषी बनाणा, काँह्भई योना रे प्रचारा जो सुणीने तिन्हे पाप करना छड्डीते थे। हुण येत्थी येढ़ा कोई हाया, सै जे योना ते बी जादा सामर्थी आ, फेरी भीं ये पीढ़ी तिसरी गल्लां सुणने जो नां कराँ इ।

लूका 11:32 Referans Kwoze

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

लूका 11:31

न्याय रे दिन शेबा री राणिया इसा पीढ़ियां रे लोकां रे खलाफ उट्ठीने तिन्हाजो दोषी बनाणा, काँह्भई सै सुलैमाना रा ज्ञान सुणने खातर बड़े दूरा ते आई थी, कने हुण येत्थी येढ़ा कोई हाया सै जे सुलैमाना ते बी बड्डा; फेरी बी ये पीढ़ी तिसरी गल्ल सुणने जो नां कराँ इ।

मत्ती 12:39

तिने तिन्हांजो जबाब देन्दे हुये गलाया, “तुहें दुष्ट लोक ये सै जे नशाण देखणा चाँये, पर योना भविष्यवक्ते रे नशाणा जो छड्डिने तिन्हांजो होर कोई नशाण नीं दित्या जाणा।

मत्ती 12:41

न्याय रे दिन नीनवे नगरा रे निवासी आज किया इसा पीढ़िया रे लोकां सौगी खड़िरयां हूणा कने सै दोषी बनाणे, काँह्भई नीनवे रे लोकें योना रा प्रचार सुणीने मन बदलया था; कने देक्खा, येत्थी सै आ सै जे योना ते बी बड्डा, पर तुहें मन बदलने जो त्यार नींये।