लूका 11:15 - बिलासपुरी नौआं नियम

¹⁵ किछ लोकें गलाया, “इस्सो ये ताकत, बुरीआत्मा रे मुखिये (बालज़बूला) ते मिलां इ, सै जे शैतान आ!”

लूका 11:15 Referans Kwoze

मत्ती 9:34

पर फरीसी गलाई कराँ थे, “येत बुरीआत्मां जो शैतान्ना रे मुखिये री सहायता ने बाहर कड्डां।”

यूहन्ना 10:20

तिन्हां चते जादातर लोक बोलणे लगे, “तिस पर बुरीआत्मा स्वार इ, कने सै पागल आ; तुहें तिसरी कजो सुणी कराँ ये?”

यूहन्ना 8:52

यहूदियें तिसने गलाया, “हुण अहें जाणीगे भई तूह च बुरीआत्मा समाईरी। अब्राहम मरीग्या, कने भविष्यवक्ते बी मरीये; कने तू बोल्लां, ‘जे कोई मेरियां सखाई रियां गल्लां रा पालन करगा, तिस कदीं नीं मरना।’

यूहन्ना 8:48

ये सुणीने यहूदियें तिसने गलाया, “क्या अहांरा ये बोलणा ठीक नीं था भई तू सामरी आ, कने तूह च इक बुरीआत्मा इ?”

यूहन्ना 7:20

लोकें जबाब दित्या, “तू बुरीआत्मा रे वशा चा! तिज्जो कुण मारना चांह?”

मत्ती 10:25

चेले जो गुरुये रे, कने दास्सा जो अपणे स्वामिये रे बराबर हुणे ची सन्तोख करना चाहिन्दा; तां जे सै मिन्जो यनि घरा रे मालका जोई शैतान बोलां ये, तां तुहें तिन्हांते केढ़े व्यवहारा री आशा रक्खां ये?

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 12:22

फेरी लोक यीशुये ले इक येढ़े माहणुये जो लयाये सै जे गूँगा कने अन्हा था, काँह्भई तिसच शैतान था; यीशुये तिसजो चंगा कित्या, कने सै गूँगा बोलणे कने देखणे लगया।