लूका 10:37 - बिलासपुरी नौआं नियम

³⁷ तिने माहणुये जवाब दित्या, “सै माहणु तिने जे तिस पर दया किति, सैई तिसरा पड़ेसी हुआ।” यीशुये तिसने गलाया, “हाँ, तैं ठीक पछयाणया। हुण जा, कने तू बी येढ़ा इ कर।”

लूका 10:37 Referans Kwoze

1 पतरस 2:21

परमेशरे तुहें इस खातर सद्दीरे, काँह्भई मसीहे बी तुहांरे खातर दुख सैईरा कने अहांरे खातर इक उदाहरण बणीगरे, ताकि तुहां बी येढ़ा दुख सैहणा तियां जे तिने दुख सैया।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

मत्ती 23:23

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें पुदीने, कने सुँफा, कने जीरे रा दसवां हिस्सा त परमेशरा जो दें, पर तुहें व्यवस्था री खास गल्लां जो यनि न्याय, दया कने बफादारिया रा तिरस्कार कराँ ये; तुहांजो ये चाहिन्दा था भई इन्हांजो बी करदे रैहन्दे कने तिन्हांजो बी नीं छडदे।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

लूका 10:36

फेरी यीशुये व्यवस्था री शिक्षा देणे औल़े ते पुच्छया, “हुण तू तिन्हां तिन्नां माहणुआं चते किस जो तिस माहणुये रा पड़ेसी समझणा तिस माहणुये जो सै जे डाकुयें मारया-कुटया था?”

लूका 10:38

ताहली जे यीशु कने तिसरे चेले यरूशलेम खौ जाई कराँ थे, तां सै इक्की गाँवां च गये, तित्थी मार्था नौआं री इक्की जनाने तिन्हाजो अपणे घरें औणे रा नियून्दा दित्या।