लूका 10:25 - बिलासपुरी नौआं नियम

²⁵ इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

लूका 10:25 Referans Kwoze

लूका 18:18

किसी सरदारे तिसते पुच्छया, “हे अव्वल गुरू, अनन्त जीवना रा बारस हुणे रे खातर हऊँ क्या करूँ?”

गलातियां 3:18

काँह्भई परमेशर अपणी आशीष तुहांजो नीं देन्दा काँह्भई तुहें मूसा रिया व्यवस्था रा पालन कित्तिरा, पर सै ये इस खातर देआं काँह्भई तिने ये वायदा कित्तिरा। तियां इ परमेशरे ये आशीष अब्राहमा जो दित्ति काँह्भई परमेशरे तिस सौगी ये वायदा कित्या था।

लूका 7:30

पर फरीसियें कने व्यवस्थापकें यूहन्ना रा बपतिस्मा नां लेणे ते अपणे खातर परमेशरा री योजना जो ठोकर मारीती।

मरकुस 10:17

कने तंजे सै तित्थी ते निकल़ीने रस्ते च जाये रां था, तां इक माहणु तिसलौ दौड़दा-दौड़दा आया, कने तिसरे सामणे गोडे टेक्कीने तिस्सो पुच्छया, “हे अव्वल गुरू, अनन्त जीवन पाणे रे खातर हऊँ क्या करूँ?”

मरकुस 12:28

यहूदी शास्त्रियां चते इक्की आईने तिन्हांजो बैहस करदे सुणया, कने ये जाणीने भई यीशुये तिन्हां खरे हिसाबा ने जवाब दित्या, इस खातर तिसते पुच्छया, “सब्बीं हुक्मां चते खास हुक्म कुण जेआ?”

लूका 10:24

काँह्भई हऊँ तिज्जो दस्सां, भई मते सारेयां भविष्यवक्तयां कने राजयां बी इच्छा किति भई सै तिन्हां गल्लां जो देखो कने सुणो, तिन्हां गल्लां जो जे तुहें मिन्जो करदे हुये देख्या, कने मिन्जो बोलदे हुये सुणीरा, पर सै तिन्हां गल्लां जो नांत देक्खी सक्के नांई सुणी सक्के।”

लूका 10:26

यीशुये तिस्सो जवाब दित्या, “मूसा री व्यवस्था क्या बोलां? तुहें तिस्सो किस तरिके ने समझां यें?”

यूहन्ना 8:6

तिन्हे यीशुये जो परखणे रे खातर ये गल्ल बोल्ली ताकि तिन्हाजो कोई येढ़ा बहान्ना मिली जाओ तिसते जे सै तिस पर कोई दोष लगाई सक्को। पर यीशु थल्ले खौ झुकीने अपणिया गुट्ठिया ने धरतिया पर लिखणे लगया।

मरकुस 10:3

यीशुये तिन्हांजो जवाब दित्या, “मूसे तुहांजो क्या हुक्म दित्तिरा?”