लूका 10:21 - बिलासपुरी नौआं नियम

²¹ तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

लूका 10:21 Referans Kwoze

2 कुरिन्थियों 4:3

जिसा खुशखबरिया रा जे अहें प्रचार कराँ ये, जे तिसजो लोक समझी नीं पायें, तां सै नाश हुणे औल़े लोक इ हाये सै जे समझदे नींये।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

मरकुस 10:15

हऊँ तुहांजो सच्च बोलां भई सै जे कोई परमेशरा जो अपणे राजे रे रुपा च बच्चयां साई ग्रहण नीं करो, तां परमेशरा तिन्हां पर राज करने जो सैहमत नीं हूणा।”

मत्ती 21:16

कने तिसते पुच्छया, “तू सुणीराँ ये क्या बोल्ली राँये?” यीशुये तिन्हाने गलाया, “हाँ; सुणीराँ, क्या तुहें लोकें ये कदीं नीं पढ़या : ‘तैं बालकां कने दुध पीन्दे बच्चयां रे मुँआं ते स्तुति कराई?’ ”

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

लूका 15:9

ताहली जे सै सिक्का तिसाजो मिली जां, तां तिसा अपणी सहेलियां कने पड़ेसणीं जो सद्दीने बोलणा, ‘मेरे सौगी आईने खुशी मनावा काँह्भई मिन्जो मेरा गवाच्छी रा सिक्का मिलीग्या!’

लूका 15:5

“कने ताहली जे सै भेड तिस्सो मिली जाईं, तां तिस बड़िया खुशिया ने तिसाजो अपणे मुन्ढे पर चक्की लेआं।

यूहन्ना 11:41

तां लोकें तिस पत्थरा जो कण्डे करित्या। यीशुये स्वर्गा खा देखीने बोल्या, “हे पिता, हऊँ तेरा धन्यवाद कराँ काँह्भई तैं मेरी सुणी ली।

मत्ती 3:7

ताहली जे तिने बौहत सारे फरीसियां कने सदूकियां जो बपतिस्मा लेणे खातर अप्पूँ ले औंदे देख्या, तां यूहन्ने तिन्हाजो गलाया, “जहरीले सर्पा साई बुरे लोको, हऊँ तुहांजो खबरदार कराँ भई हरेक सै जे पाप कराँ तिसजो परमेशरा इक दिन सजा देणी, कने ये नीं सोच्चा भई तुहां इसा सजा ते बची जाणा।