लूका 1:76 - बिलासपुरी नौआं नियम

⁷⁶ कने बालक, तू परमप्रधान परमेशरा री भविष्यवाणी करने औल़ा माहणु पुकारया जाणा, काँह्भई तू प्रभुरे अग्गे-अग्गे चलना कने तिसरे औणे खातर लोकां जो त्यार करना।

लूका 1:76 Referans Kwoze

यूहन्ना 1:23

तिने गलाया, तियां जे यशायाह भविष्यवक्ते गलाईरा, “हऊँ तिस साई आ सै जे येढ़िया जगह च प्रचार करी रां तित्थी जे तिसरी अवाज़ कोई नीं सुणो: भई परमेशरा रे औणे खातर खुद अप्पूँजो तियां त्यार करा तियां जे किसी खास माहणुये रे औणे खातर लोक रस्ता त्यार कराँ ये।”

मत्ती 14:5

हेरोदेस तिस्सो मारना चाँह था, पर सै लोकां ते डराँ था काँह्भई लोक यूहन्ने जो भविष्यवक्ता मन्नां थे।

मत्ती 3:3

ये यूहन्ना सैई हाया तिसरे बारे च जे यशायाह भविष्यवक्ते चर्चा करदे हुये गलाया था : “सुनसान जगह च इक हाक पाणे औल़े री अवाज़ हुई कराँ इ, भई परमेशरा रे औणे खातर अपणे आप जो त्यार करा।”

प्रेरितां 16:17

सै पौलुसा रे कने अहांरे पिच्छे आईने रड़ाणे लगी, “ये माहणु परमप्रधान परमेशरा रे दास ये, सै जे अहांजो छुटकारे री कथा सुणवांये।”

लूका 1:35

इसा गल्ला पर स्वर्गदूते तिसाजो जबाब दित्या, “पवित्र आत्मा तेरे ऊपर उतरना, कने परमप्रधान परमेशरा री महान सामर्थ तू पर छाणी। इस खातर तेरते सै जे न्याणा जमणा सै पवित्र हूणा, कने सै परमेशरा रा पुत्र कहलाया जाणा।

लूका 1:32

तिस सबनीं च महान हूणा, कने परमप्रधान परमेशरा रा पुत्र कहलाणा। प्रभु परमेशरा तिसजो तिसरे पूर्वज राजा दाऊद री राजगद्दी देणी।

मरकुस 11:32

कने जे अहें बोलिये, माहणुआं रिया तरफा ते तां क्या हूणा, सै डरां थे भई जे तिन्हें येढ़ा बोल्या तां लोकां तिन्हांरे खातर परेशानी खढ़ी करनी, काँह्भई बौहत सारे लोकां जो इसा गल्ला रा यकीन था भई यूहन्ना हकीकत च इक भविष्यवक्ता था।

यूहन्ना 3:28

तुहें सब मेरे गवाह ये भई मैं गलाया था, हऊँ मसीह निआं, पर मिन्जो तिसते पैहले भेजीरा।

यूहन्ना 1:27

यनिके ये सैई हाया तिस जे मेरते बाद तुहांजो प्रचार करना, हऊँ तिसरे मुकावले किछ बी नींआ, सै इतणा खास आ भई हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।”

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

मत्ती 21:26

पर जे अहें गलाया, ‘माहणुये ते’ तां अहांजो लोकां रा डर आ, काँह्भई सै यूहन्ने जो इक भविष्यवक्ता मन्नां ये।”

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।