लूका 1:66 - बिलासपुरी नौआं नियम

⁶⁶ सारे सुणने औल़े लोक अपणे-अपणे मना च सोच-बिचार करने लगे, “ये मुण्डु केढ़ा हूणा?” काँह्भई ये पक्की गल्ल इ भई प्रभुये री सामर्थ तिस मुण्डुये पर थी।

लूका 1:66 Referans Kwoze

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

लूका 2:51

फेरी सै तिन्हां सौगी नासरत जो वापस आईग्या, कने तिन्हारा हुक्म मनदा रैया; कने तिसरी माते ये सारी गल्लां अपणे मना च रखी।

लूका 2:19

पर मरियमे सारियां गल्लां जो अपणे मना च रखी कने सोच-विचार कित्या।

लूका 9:44

“तुहें इन्हां गल्लां जो ध्याना ने सुणयों, काँह्भई माहणुये रा पुत्र यनि हऊँ अधिकारियां रे हत्था च पकड़वाया जणे औल़ा।”

लूका 2:40

कने बालक यीशु कद काठिया च बधदा कने मजबूत हुन्दा गया, कने ज्ञाना री गल्लां ने भरदा गया; कने परमेशरा रा तिस पर खास आशीरबाद था।

लूका 1:80

कने सै बालक यूहन्ना कद काठिया च कने आत्मा रिया शक्तिया च मजबूत हुन्दा गया, कने बड्डा हुणे ते बाद तदुआं तक जे तिने इस्राएल रे लोकां च अपणी सेवा नीं शुरु किति, तदुआं तक सै जंगला च रैया।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।