लूका 1:13 - बिलासपुरी नौआं नियम

¹³ पर तिने स्वर्गदूते जकर्याह ने गलाया, “जकर्याह डरदा मत, इक पुत्र पाणे रे खातर तैं सै जे प्राथना परमेशरा ने कित्ती री, सै तेरी प्राथना परमेशरे सुणीलरी; कने तेरी जनाना इलिशिबा ते तिज्जो इक पुत्र जमणा! कने तू तिस पुत्रा रा नौं यूहन्ना रखयां।

लूका 1:13 Referans Kwoze

प्रेरितां 10:31

कने बोलणे लगया, ‘कुरनेलियुस, तेरी प्राथना सुणीलरी कने तेरे दान परमेशरा रे सामणे याद कित्ते गईरे।

लूका 2:21

अट्ठां दिनां बाद, यहूदी रीति-रिवाजा रे मुतावक तिस बगत जे तिस बच्चे रा खतना (नामकरण संस्कार) हुया, ताहली तिसरा नौं यीशु रखया। ये सै नौं था तिस न्याणे रा नौं जे पेट्टा च औणे ते पैहले स्वर्गदूते मरियमा जो दस्सीरा था।

मत्ती 14:27

यीशुये फौरन तिन्हांने गल्ल करदे हुये गलाया, “हौंसला रखा! ये हऊँ आ, मता डरदे!”

मत्ती 28:5

स्वर्गदूते जनानां ने गलाया, “डरदियां मता, हऊँ जाणाँ भई तुहें यीशुये जो टोल़ी राँईयां सै जे क्रूसा पर चढ़ाया गैईरा।

लूका 1:30

स्वर्गदूते तिसाजो गलाया, “मरियम तू डरदी मत, काँह्भई परमेशर तेरते बौहत खुश आ।

मरकुस 16:6

तिने तिन्हांने बोल्या, “हैरान मत हुंदियां, तुहें यीशु नासरिये जो टोल़ां इयां, सै जे क्रूसा पर चढ़ाया था। सै जिऊंदा हुईगरा, येत्थी निआं; देक्खा, ये सैई जगह इ, तित्थी जे तिन्हें तिस्सो रखीरा था।

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

लूका 1:14

तिज्जो त बड़ा नन्द कने खुशी हूणी, कने सौगी तिसरे जमणे ते मते सारयां लोकां मौज करनी,